BIG NEWS / રૂપાણી બાદ હવે આ CMનો વારો? 2 મહિનામાં પાંચ વાર પહોંચ્યા દિલ્હી, અટકળો તેજ

• 2 મહિનામાં આ 5 વાર શિવરાજ સિંહે દિલ્હીનો પ્રવાસ કર્યો
• ચૌહાને બુધવારે દિલ્હીમાં ભાજપના અધ્યક્ષ જેપી નડ્ડા સાથે મુલાકાત કરી
• મધ્ય પ્રદેશમાં ઘણી હલચલ જોવા મળી

 ચૌહાને બુધવારે દિલ્હીમાં ભાજપના અધ્યક્ષ જેપી નડ્ડા સાથે મુલાકાત કરી

મધ્ય પ્રદેશના મુખ્યમંત્રી શિવરાજ સિંહ ચૌહાનની બુધવારે દિલ્હીમાં ભાજપના અધ્યક્ષ જેપી નડ્ડા સાથે મુલાકાતને રાજનીતિક દ્રષ્ટિથી ઘણી મહત્વની માનવામાં આવી રહી છે. ગત 2 મહિનામાં શિવરાજ ચૌહાનના દિલ્હી પ્રવાસને લઈને તમામ પ્રકારની અટકળો ચાલી રહી છે. મનાઈ રહ્યું છે કે 2 મહિનામાં આ 5 વાર શિવરાજ દિલ્હીનો પ્રવાસ કરી ચૂક્યા છે. આવતા અઠવાડિયે ફરી ચૌહાન દિલ્હી જાય તેવી શક્યતા છે. ઉલ્લેખનીય છે કે હાલમાં ભાજપ તથા કોંગ્રેસ પોતાની સત્તા વાળા રાજ્યોમાં નેતૃત્વ પરિવર્તન કર્યા છે. મનાઈ રહ્યું છે કે બન્ને દળોએ સત્તા વિરોધી વાતાવરણને ખતમ કરવામાં ફેરફાર કર્યો છે.

મધ્ય પ્રદેશમાં ઘણી હલચલ જોવા મળી

ભાજપે હાલમાં ઉત્તરાખંડ, ગુજરાત તથા કર્ણાટકમાં નેતૃત્વ પરિવર્તન કર્યુ છે તો કોંગ્રેસે પંજાબમાં સીએમ બદલ્યા છે. અને ભવિષ્યની ચૂંટણીને ધ્યાનમાં રાખીને ફેરફાર થઈ રહ્યા છે અને પોતાની સત્તાવાળા રાજ્યોમાં વ્યાપક સમીક્ષા કરાઈ રહી છે જેમાં હરિયાણા, ત્રિપુરા, મધ્ય પ્રદેશ તથા હિમાચલ પ્રદેશ સામેલ છે. મધ્ય પ્રદેશમાં ઘણી હલચલ જોવા મળી છે. જેનો અંદાજો સીએમના દિલ્હી પ્રવાસ અને પાર્ટી તથા કેન્દ્રીય નેતાઓ સાથેની મુલાકાતથી લગાવી શકાય છે.  ઉલ્લેખનીય છે કે બુધવારે ચૌહાણ જે પી નડ્ડાને મળ્યા હતા. અને આવતા અઠવાડિયે ગૃહ મંત્રી અમિત શાહને મળતા શિવરાજ ફરી દિલ્હી જઈ શકે છે.

પેટા ચૂંટણી પર ટકેલી છે નજર

ખંડવા લોકસભા સીટને લઈને થનારી પેટા ચૂંટણી ઘણી મહત્વની છે. હાલ તેની જાહેરાત નથી થઈ. પાર્ટી ભાવી ફેરફાર થવાની શક્યતાઓમાં આ પેટાચૂંટણીમાં રણનીતિઓની સાથે લઈને ચાલી રહી છે.  ઉલ્લેખનીય છે કે બીજી લહેરની વચ્ચે દમોહ વિધાનસભાની પેટા ચૂંટણીમાં ભાજપને હારનો સામનો કરવો પડ્યો હતો. ચૂંટણી આયોગ આ મહિને જે પેટા ચૂંટણી કરાવી રહ્યું છે તેની સાથે તેને વિભિન્ન રાજ્યોની ખાલી સીટોને લઈને પણ રાજ્યોના પ્રશાસનથી ચર્ચા કરી હતી. ત્યારે મધ્ય પ્રદેશના મુખ્ય સચિવે કહ્યું હતુ કે રાજ્યમાં પૂર, તહેવાર તથા મહામારીના ચાલતા હાલ સ્થિતિઓ બરાબર નથી. એટલા માટે તહેવાર બાદ ચૂંટણી કરાવવી જોઈએ.