બોલિવૂડ / શિલ્પા શેટ્ટીએ દીકરીના પહેલાં બર્થડે પર શેર કર્યો જબરદસ્ત વીડિયો, એક્ટ્રેસે દીકરીને પૂછ્યો આ સવાલ અને પછી...

• શિલ્પા શેટ્ટીની દીકરી સમીષા એક વર્ષની થઈ
• એક્ટ્રેસ ખૂબ જ ક્યૂટ વીડિયો શેર કર્યો છે
• શિલ્પાએ ઈમોશનલ પોસ્ટ પણ લખી છે. 

બોલિવૂડ અભિનેત્રી અને ફિટનેસ આઈકોન શિલ્પા શેટ્ટી સોશિયલ મીડિયા પર ખૂબ જ એક્ટિવ છે. પોતાના પરિવારથી લઈને શૂટિંગ સુધીની તમામ જાણકારી તે પોતાના ફેન્સ સાથે શેર કરે છે. આજે શિલ્પા શેટ્ટીએ એક એવો વીડિયો શેર કર્યો છે જેના પર તેના ફેન્સ ખુબ પ્રેમ વરસાવી રહ્યા છે. આ વીડિયોમાં શિલ્પા શેટ્ટીની દીકરી સમીષા જોવા મળી રહી છે. 

 

 

 

 

View this post on Instagram

 

 

 

 

 

 

 

 

 

 

 

A post shared by Shilpa Shetty Kundra (@theshilpashetty)

એક વર્ષની થઈ સમીષા

હકીકતમાં આજે એટલે કે 15મી ફેબ્રુઆરીએ શિલ્પા શેટ્ટીની દીકરી સમીષા એક વર્ષની થઈ ગઈ છે. તેના પહેલાં બર્થડે પર શિલ્પાએ એકક્યૂટ વીડિયો શેર કર્યો છે. આ વીડિયોમાં સમીષા પિંક અને વ્હાઈટ ડ્રેસમાં એટલી ક્યૂટ લાગે છે કે લોકો તેને વારંવાર જોઈ રહ્યાં છે. 

શિલ્પાએ દીકરીને પૂછ્યો આ સવાલ

આ વીડિયોને થોડાં કલાકમાં લાખો વ્યૂઝ મળી ગયા છે અને ફેન્સ કમેન્ટ્સ પણ કરી રહ્યાં છે. વીડિયોમાં શિલ્પા શેટ્ટીનો અવાજ પણ સંભળાય છે. વીડિયોમાં વચ્ચે શિલ્પા સમીષાને પૂછે છે કે સમીષા કિસ કા બેબી હૈ તો દીકરી બોલે છે મમ્મા કી. આ વાત સાંભળતા જ શિલ્પા શેટ્ટી હસી પડે છે. 

આ વીડિયોને શેર કરતા શિલ્પા શેટ્ટીએ એક ઈમોશનલ કેપ્શન પણ લખ્યું છે. શિલ્પાએ લખ્યું છે કે તારા મોઢામાંથી મમ્મા સાંભળીને ખૂબ જ સારું લાગે છે. આજે તું એક વર્ષની થઈ ગઈ અને આ મારા માટે સૌથી મોટી ગિફ્ટ છે. તારા ચહેરા પર આ સ્માઈલ. તારા પહેલા દાંતથી લઈને પહેલા શબ્દ સુધી...તારી પહેલી મુસ્કાનથી લઈને તારા પહેલાં ક્રોલ સુધી. આ વીડિયોના અંતમાં શિલ્પાએ સમીષાની અનેક તસવીરો પણ એડ કરી છે. 

વર્ક ફ્રન્ટની વાત કરીએ તો શિલ્પા ટૂંક સમયમાં  બે ફિલ્મોમાં જોવા મળશે. તે હાલ ફિલ્મ નિકમ્મા અને હંગામા 2ના શૂટિંગમાં વ્યસ્ત છે.