સપ્તાહના પહેલા કારોબારી દિવસ ભારતીય શેર બજારની શરૂઆત લાલ નિશાન પર થઇ. કારોબારની શરૂઆતી મીનિટોમાં સેન્સેક્સ 100 અંકથી વધારે ઘટાડો થયો. જણાવી દઇએ કે સોમવારે બકરીઇદના કારણે બજાર બંધ હતા.
42મી વાર્ષિક સામાન્ય બેઠકમાં સોમવારે જિયો ગીગાફાઇબરની કોમર્શિયલ લોન્ચિંગની જાહેરાત બાદ રિલાયન્સ ઇન્ડસ્ટ્રી લિમિટેડ (RIL) ને મોટો ફાયદો થઇ રહ્યો છે. જાહેરાત બાદ મંગળવારે એટલે કે આજે રોકાણકારો જોરદાર RIL ના શેરોમાં જોરદાર રોકાણ કરી રહ્યા છે.
રોકાણકારો તરફથી જોરદાર ખરીદી બાદ આરઆઇએલના શેરોમાં મુંબઇ સ્ટોક એક્સચેન્જના સેન્સેક્સ અને નેશનલ સ્ટોક એક્સચેન્જના નિફ્ટીમાં તેજી સાથે વેપાર કરી રહ્યા છે. સવારે સેન્સેક્સ આરઆઇએલના શેર 11.36 ટકાના ઉછાળા સાથે 1294 રૂપિયા પ્રતિ શેર પર બિઝનેસ કરી રહ્યા છે. તો બીજી બાજુ નિફ્ટીમાં 7.74 ટકાના ઉછાળાની સાથે 1252 રૂપિયા પ્રતિ શેર પર વેપાર કરી રહ્યા છે.
આરઆઇએલના ચેરમેન મુકેશ અંબાણીએ સોમવારે જણાવ્યું હતું કે રિલાયન્સ જિયોા ત્રણ વર્ષ પૂરા થવાની તકે 5 સપ્ટેમ્બર 2019થી જિયો ગીગાફાઇબરની કોમર્શિયસ સેવાઓ સમગ્ર દેશમાં ઉપલબ્ધ હશે. જિયો ગીગાફાઇબરની ઓછામાં ઓછી સ્પીડ 100 એમબીપીએસ હશે જે 1 જીબીપીએસ સુધી જશે. એના માટે ગ્રાહકોને 700 રૂપિયાથી લઇને 10000 હજાર રૂપિયા પ્રતિમાસ ખર્ચ કરવા પડશે. આ ખર્ચ પ્લાન અનુસાર હશે. એમને કહ્યું કે જિયો ગીગાફાઇબર પર ફિક્સ લાઇનથી વોયસ કૉલ જીવનભર સમગ્ર રીતે ફ્રી હશે અને ગ્રાહકોને માત્ર ડેટા માટે ચુકવણી કરવી પડશે.