Navratri 2022 / નવરાત્રી પહેલા સફાઇમાં ઘરથી બહાર નિકાળી દો આ 5 વસ્તુઓ, નહીંતર અશુભ પરિણામની છે માન્યતા

• નવરાત્રી પહેલા ઘરમાં કરાય છે સાફ-સફાઈ
• સાફ-સફાઈ વગર ઘરમાં દેવી ઉપાસના કરવાનુ શુભ ફળ મળતુ નથી
• નવરાત્રી પહેલા ઘરની બહાર કાઢી નાખજો આ વસ્તુઓ

નવરાત્રી પહેલા આ વસ્તુઓને ઘરની બહાર કાઢી દેજો 

આ વર્ષે શારદીય નવરાત્રી 26 સપ્ટેમ્બર થી 5 ઓક્ટોબર સુધી રહેવાની છે. નવરાત્રીમાં માં દુર્ગાના આગમન પહેલા ઘરની સારી રીતે સાફ-સફાઈ કરવામાં આવે છે. એવુ કહેવાય છે કે સાફ-સફાઈ વગર ઘરમાં દેવીની ઉપાસના કરવાનુ શુભ ફળ મળતુ નથી. તેથી એકમે કળશ સ્થાપના કરતા પહેલા આખા ઘરની સફાઈ કરી લેવી જોઈએ. નવરાત્રી પહેલા સાફ-સફાઈમાં અમુક ખાસ વસ્તુઓ પણ ઘરની બહાર નિકાળી દેવી જોઈએ. ઘરમાં આ વસ્તુઓનુ રાખવુ ખૂબ અશુભ માનવામાં આવે છે.  

લસણ-ડુંગળી

નવરાત્રીમાં દેવી માં સંપૂર્ણ નવ દિવસ સુધી પોતાના ભક્તોના ઘરમાં રહે છે. એવામાં ઘરના વાતાવરણનુ શુદ્ધ હોવુ ખૂબ જરૂરી હોય છે. તેથી નવરાત્રીની સફાઈમાં ઘરમાંથી ડુંગળી, લસણ, ઈંડુ, માંસ, માછલી અથવા દારૂ જેવી વસ્તુઓ ઘરની બહાર કાઢી દેવી જોઈએ.

ફાટેલા જૂના બૂટ-ચપ્પલ 

નવરાત્રીની સફાઈમાં ઘરના ફાટેલા-જૂના કપડા અથવા બેકાર થયેલા બૂટ-ચપ્પલને પણ બહાર નાખી દેવા જોઈએ. આ ઉપરાંત કાચના ટુકડા અથવા તુટેલા વાસણોને પણ ઘરની બહાર કાઢી દો. ઘરના કોઈ ભાગમાં કચરો અથવા બેકાર સામાન ન હોવો જોઈએ. આ પ્રકારની વસ્તુઓ ઘરમાં નકારાત્મક ઉર્જાનુ કારણ બને છે. 

ખંડિત મૂર્તિઓ

જો ઘરમાં દેવી-દેવતાઓની તુટેલી-ફૂટેલી અથવા ખંડિત મૂર્તિ છે તો તેને તાત્કાલિક હટાવી દેવી જોઈએ. આ પ્રકારના ચિત્ર પણ ઘરમાં ના રાખશો. નવરાત્રીની સફાઈ કર્યા બાદ તેને કોઈ નદી અથવા તળાવમાં વિસર્જિત કરી દેવુ જોઈએ. ઘરના મંદિરમાં રાખવામાં આવતી આવી મૂર્તિઓ તમારા દુર્ભાગ્યનુ કારણ બને છે. 

બંધ ઘડિયાળ

જો તમારા ઘરમાં કયાક બંધ અથવા બેકાર ઘડિયાળ પડી છે તો તેને પણ ઘરમાંથી કાઢવાનુ મન બનાવી લો. ઘરમાં બંધ ઘડિયાળને ખૂબ અશુભ સમજવામાં આવે છે. આ તમારી પ્રગતિમાં અડચણો ઉત્પન્ન કરે છે, અને ખરાબ સમય પણ લઇને આવે છે.