મનોરંજન / ન ચાલ્યો Ranbir Kapoor નો જાદુ, શમશેરાએ પહેલા દિવસે કરી સામાન્ય કમાણી

• ફિલ્મ 'શમશેરા' 22 જુલાઈએ થિયેટરોમાં રિલીઝ થઈ
• રણબીર કપૂરની એક મોટા બજેટની એક્શન ફિલ્મ
• પહેલા દિવસનું કલેક્શન એકદમ ઓછું થયું છે

રણબીર કપૂરની ફિલ્મ 'શમશેરા' 22 જુલાઈએ થિયેટરોમાં રિલીઝ થઈ હતી. તે એક મોટા બજેટની એક્શન ફિલ્મ છે જે બોક્સ ઓફિસ પર ધમાકેદાર ઓપનીંગ કરવામાં નિષ્ફળ ગઈ છે. તમને જણાવી દઈએ કે ફિલ્મે પહેલા દિવસે માત્ર 10.25 કરોડનો આંકડો પાર કર્યો છે. જો કે આ આંકડો તાજેતરની રિલીઝ થયેલી ફિલ્મો કરતાં સારો છે. પરંતુ આ ફિલ્મને ઘણી સ્ક્રીન રિલીઝ મળી છે, તે અનુસાર, તેના પહેલા દિવસનું કલેક્શન એકદમ ઓછું હતું. આ દૃષ્ટિએ 'શમશેરા'નું એક દિવસનું કલેક્શન અક્ષય કુમારની ફિલ્મ 'પૃથ્વીરાજ' કરતાં પણ ઓછું છે. પૃથ્વીરાજ' એ શરૂઆતના દિવસે 10.70 કરોડ રૂપિયા એકઠા કર્યા હતા.

ફિલ્મનું બજેટ
રણબીર કપૂર, વાણી કપૂર અને સંજય દત્તની ફિલ્મ શમશેરા 150 કરોડના જંગી બજેટ પર બની છે. યશ રાજ ફિલ્મ્સની આ ફિલ્મનું દિગ્દર્શન કરણ મલ્હોત્રાએ કર્યું છે. રણબીર કપૂર આ પિરિયડ ફિલ્મમાં પહેલીવાર ડબલ રોલ કરી રહ્યો છે. જોકે, ફિલ્મનું કલેક્શન અપેક્ષા મુજબનું નથી. વેલ, વીકેન્ડમાં ફિલ્મની કમાણીમાં વધારો થતો જોવા મળી શકે છે. મીડિયા રિપોર્ટ્સ અનુસાર વિકએન્ડ પર 20-25 કરોડનું કલેક્શન જોવા મળી શકે છે, પરંતુ આટલી મોટી ફિલ્મ માટે તે પૂરતું નહીં હોય. મીડિયા રિપોર્ટ્સ અનુસાર, થિયેટર્સમાં એડવાન્સ બુકિંગના અભાવે શનિવારે સમગ્ર ભારતમાં ફિલ્મના ઘણા શો રદ કરવામાં આવ્યા છે. જો કે હજુ સુધી આ અહેવાલોની પુષ્ટિ થઇ નથી.

 

 

 

 

View this post on Instagram

 

 

 

 

 

 

 

 

 

 

 

A post shared by Taran Adarsh (@taranadarsh)

હાઈ બજેટ ફિલ્મ
રણબીર કપૂર હવે અયાન મુખર્જીની મોટા બજેટની ફિલ્મ 'બ્રહ્માસ્ત્ર'માં જોવા મળશે. મીડિયા રિપોર્ટ્સ અનુસાર, ફિલ્મનું બજેટ 300 કરોડ રૂપિયા છે. આ ફિલ્મમાં રણબીર પહેલીવાર પત્ની આલિયા ભટ્ટ સાથે કામ કરી રહ્યો છે. 'બ્રહ્માસ્ત્ર'માં આલિયા ઉપરાંત મૌની રોય, અમિતાભ બચ્ચન અને નાગાર્જુન પણ મુખ્ય ભૂમિકામાં છે. આ ફિલ્મ ત્રણ ભાગમાં રિલીઝ થશે. ફિલ્મનો પહેલો ભાગ 9 સપ્ટેમ્બરના રોજ થિયેટરોમાં રિલીઝ થવાનો છે.