મોટા પડદા પર લીડ અભિનેતા તરીકે શાહરૂખ ખાનની સફળ વાપસી માટે પઠાણના નિર્માતા કોઈ કસર છોડવા માંગતા નથી. ફિલ્મના ટ્રેલરને લઇને સસ્પેન્સ બનાવીને રાખ્યુ છે અને હવે ફિલ્મને નવી ટેકનિકની સાથે રીલીઝ કરવી ક્યાકને ક્યાક આ રણનીતિને બતાવે છે.
હવે ફિલ્મને નવી ટેકનિક સાથે રીલીઝ કરવાની થઇ રહી છે રણનીતિ
ભારતની પહેલી ફિલ્મ હશે, જેને આ ફોર્મેટમાં રીલીઝ કરાશે
શાહરૂખના પ્રશંસકો માટે સારા સમાચાર
શાહરૂખ ખાનની કમબેક ફિલ્મ પઠાણ સતત વિવાદોમાં ઘેરાયેલી છે. આ દરમ્યાન આ ફિલ્મની આતુરતાપૂર્વક રાહ જોઇ રહેલા શાહરૂખ ખાનના પ્રશંસકો માટે સારા સમાચાર છે. તેમના મનપસંદ સ્ટાર નવુ કરવા જઇ રહ્યાં છે, જે ભારતીય સિનેમાના ઈતિહાસમાં પહેલા ક્યારેય થયુ નથી. રિપોર્ટસ મુજબ પઠાણ ભારતની પહેલી એવી ફિલ્મ હશે, જેને ICE ફોર્મેટમાં રીલીઝ કરવામાં આવશે.
કેવુ હોય છે ICE ફોર્મેટ?
ICEનુ ફુલ ફોર્મ છે, ઈમર્સિવ સિનેમા એક્સપીરિયન્સ. આ પ્રકારના ફોર્મેટમાં થિયેટરમાં મૂળ સ્ક્રીનની સાથે સાઈડ પેનલ પણ હોય છે. આ પરિધીય વર્ઝન પણ બનાવે છે, જેનાથી કલર્સના બેકગ્રાઉન્ડ કન્ટ્રાસ્ટ અને મોશનની સાથે ફિલ્મ જોવાનો શાનદાર અનુભવ મળે છે. યશરાજ ફિલ્મ્સના ડિસ્ટ્રીબ્યુટર વાઈસ પ્રેસિડેન્ટ રોહન મલ્હોત્રાએ એક વાતચીત દરમ્યાન પઠાણના આ ફોર્મેટમાં રીલીઝ કરવાની જાણકારી આપી. તેમણે જણાવ્યું કે પઠાણ થિયેટરોમાં આ ફોર્મેટની સાથે પહોંચનારી પહેલી ભારતીય ફિલ્મ હશે.
રોહન મલ્હોત્રાએ જણાવ્યું કે ICE ફોર્મેટે દિલ્હી-એનસીઆરના બે PVR સિનેમા સાઈટ્સની સાથે શરૂઆત કરી હતી. જે મુજબ, આ ફોર્મેટની સાથે હૉલીવુડ ફિલ્મ અવતાર: ધ વે ઑફ વોટરની સ્ક્રીનિંગ કરાઈ રહી છે. વિશ્વભરના દર્શકોમાં આ ફોર્મેટને લઇને ઘણો ક્રેજ છે. રોહન મલ્હોત્રાએ પણ કહ્યું કે નવી-નવી ટેકનિકને અપનાવવી અને તેની સાથે આગળ વધવુ YRFના DNAમાં સામેલ છે.
25 જાન્યુઆરીએ થશે રીલીઝ
પઠાણ ફિલ્મની વાત કરીએ તો આ ફિલ્મથી શાહરૂખ ખાન ચાર વર્ષ બાદ મોટા પડદે લીડ હીરો તરીકે વાપસી કરી રહ્યાં છે. આની પહેલા લીડ અભિનેતા તરીકે તેમની પહેલાની ફિલ્મ જીરો 2018માં રીલીઝ થઇ હતી. જે બૉક્સ ઑફિસ પર ફ્લોપ સાબિત થઇ હતી.