બોલિવૂડ / આર્યન ખાનની જામીનદાર બની આ એક્ટ્રેસ, શાહરૂખ ખાનની છે નજીકની મિત્ર

• આર્યન ખાનની જામીનદાર બની આ એક્ટ્રેસ 
• ચાલી રહી છે આર્યન ખાનની જામીન પ્રક્રિયા 
• આ શરતો પર મળ્યા આર્યન ખાનને જામીન

સુપરસ્ટાર શાહરૂખ ખાનના દિકરા આર્યન ખાનના મામલામાં એક્ટ્રેસ જૂહી ચાવલા જામીનદાર બની છે. શાહરૂખ ખાનની સાથે તમામ સુપરહિટ ફિલ્મોમાં જોવા મળી ચુકેલી જૂહી ચાવલા જામીનદાર બનવા માટે કોર્ટ પહોંચી હતી. સેશન્સ કોર્ટ પર શાહરૂખ ખાનની ચાર ગાડીઓનો કાફલો પહોંચ્યો છે જેમાં SRKની રેન્જ રોવર પણ શામેલ છે. 

ચાલી રહી છે આર્યન ખાનની જામીન પ્રક્રિયા 
સેશન્સ કોર્ટમાં જામીનની પ્રક્રિયા ચાલી રહી છે. જામીન પેપર લઈને વકીલ જેલ જઈ રહ્યા છે. આર્યનની જામીનના કાગળ વકીલોને મળી ચુક્યા છે. જૂહી ચાવલાએ જામીનના કાગળો પર સાઈન કર્યા છે અને જો આજે શાહરૂખ ખાનના દિકરા આર્યન ખાન ઘરે પહોંચી જાય તો તેમના અને તેમના ફેન્સ માટે મોટી ખુશખબરી હશે. 

Bail order of #AryanKhan states that he should present PR bond of Rs 1 lakh with one or more sureties in like amount. He should not indulge in any similar activities, not try to establish contact with co-accused and should surrender passport before Special Court immediately

— ANI (@ANI) October 29, 2021

જૂહી ચાવલા બની જામીનદાર 
મહત્વનું છે કે આર્યન ખાનને 1 લાખ રૂપિયાના બોન્ડ પર જામીન મળ્યા છે જેની સાથે ઘણી શરતો પણ જોડાયેલી છે. કોર્ટ દ્વારા મુકવામાં આવેલી શરતોમાં જામીન વખતે આર્યન ખાન દ્વારા મીડિયા અને સોશિયલ મીડિયા પર કેસ વિશે વાત ન કરવા, NCB ઓફિસમાં દર શુક્રવારે 11થી 2ની વચ્ચે હાજર થવા દેશ ન છોડવા અને ફરી વખત આમ ન કરવા જેવી શરતોનો સમાવેશ થયો છે. 

#AryanKhan bail order | The order also states that the applicant should attend the NCB Mumbai office on each Friday between 1100-1400 hours to mark their presence. Applicant should not leave the country without permission from NDPS Court

— ANI (@ANI) October 29, 2021

જૂહી ચાવલા અને શાહરૂખ ખાન નજીકના મીત્ર 
આ ઉપરાંત કોર્ટે શાહરૂખ ખાનના દિકરાની સામે બીજા આરોપીઓના સંપર્ક ન કરવા અને ગવાહોને પ્રભાવિત ન કરવાની પણ શરત મકી હતી. વાત કરીએ જૂહી ચાવલાની તો તેમણે શાહરૂખ ખાનના પરિવારની સાથે ખૂબ નજીકના સબંધ રહ્યા છે ન ફક્ત વર્ક ફ્રંટ પર પરંતુ પારિવારિક રીતે પણ બન્નેના સારા સંબંધો છે.