શેર બજાર / દિવાળી પહેલા સેન્સેક્સ લાલ નિશાન પર, IRCTC સહિત મોટા મોટા શેરમાં કડાકો

• દિવાળી પહેલા ભારતીય શેરબજારમાં મોટો કડાકો
• સેન્સેક્સમાં 500 પોઈન્ટનો કડાકો 
• ગુરુવારે 61,125.16 હતો સેન્સેક્સ 

આજે અઠવાડિયાનાં છેલ્લા દિવસે સેન્સેક્સમાં કડાકો થયો હતો. આજે સવારે શેરબજાર લાલ નિશાન પર ખૂલ્યું હતું. બોમ્બે સ્ટોક એક્સ્ચેન્જનાં મુખ્ય ઇંડેક્સ સેન્સેક્સ 465.06 ઘટીને એટલે કે 00.78% નો ઘટાડો થયો હતો. 

નિફ્ટીમાં પણ 1૩0 પોઈન્ટથી વધુનો કડાકો
નેશનલ સ્ટોક એક્સ્ચેન્જનો નિફ્ટી 132  પોઈન્ટનો ઘટાડો થયો છે. આજે નિફ્ટી 17,725.30 લેવલે ખૂલ્યો હતો. બેંક નિફ્ટીમાં પણ આજે 650 પોઈન્ટથી વધુનો કડાકો થયો હતો. ગઈકાલે બેંક નિફ્ટીમાં 1300 પોઈન્ટનો કડાકો થયો હતો.

મોટા શેર્સની હાલત
દિગ્ગજ એવા શેર્સની વાત કરીએ તો આજે શરૂઆતમાં જ અદાણી પોર્ટ્સ, ટાટા સ્ટીલ, JSW સ્ટીલ, HCL ટેક અને TCH નાં શેર ગ્રીન નિશાન પર ખૂલ્યો હતો. ત્યાં જ HDFC અને આયશર મોટર્સ, કોટક મહિન્દ્રા, NTPC અને BPCL નાં શેર લાલ નિશાન પર ખૂલ્યા હતા. 

ગુરુવારે 61,125.16 હતો સેન્સેક્સ 
અઠવાડિયાના ચોથા દિવસે એટલે કે ગુરુવારે શેરબજાર લાલ નિશાન પર ખૂલ્યો હતો. બોમ્બે સ્ટોક એક્સ્ચેન્જનાં મુખ્ય ઇંડેક્સ સેન્સેક્સ 258.56 પોઇન્ટ્સ ઘટાડા સાથે 60,884.77 સ્તરે પહોંચ્યો હતો. તો સાથે નેશનલ સ્ટોક એક્સ્ચેન્જમાં નિફ્ટીમાં 72.20 પોઇન્ટ્સ ઘટ્યો હતો અને 18,138.75 નાં સ્તરે ખૂલ્યો હતો. 

IRCTCના શેરમાં આજે જોરદાર ઘટાડો જોવા મળી રહ્યો છે. શુક્રવારે શરૂઆતના વેપારમાં તેનો સ્ટોક 29 ટકા ઘટીને રૂ. 650.10 થયો હતો. આની પાછળનું કારણ છે કે રેલવે મંત્રાલયે IRCTCને કહ્યું છે કે ટિકિટના વેચાણમાંથી મળતી સુવિધા ફીના 50% રેલ્વે મંત્રાલયને આપવાની રહેશે.