BIG NEWS / ગુજરાત કોંગ્રેસ ધડમૂળથી બદલાશે: પ્રદેશ અધ્યક્ષ-વિપક્ષ નેતા માટે દાવેદારીનો ફાટ્યો રાફડો,આ નેતા રેસમાં સૌથી આગળ

• 2022ની ચૂંટણીને લઇને કોંગ્રેસે શરૂ કરી તૈયારી
• પ્રદેશ કોંગ્રેસના નવા પ્રમુખ માટે લેવાઇ સેન્સ
• નવા ત્રણ નેતાઓએ કરી દાવેદારી

વિધાનસભા 2022ની ચૂંટણીને લઇને કોંગ્રેસે તૈયારી શરૂ કરી દીધી છે. ગુજરાત પ્રદેશ કોંગ્રેસના નવા પ્રમુખ માટે સેન્સ લેવામાં આવી છે. નવા પ્રદેશ પ્રમુખ મામલે પ્રભારી રઘુ શર્માએ સેન્સ લીધી. નવા ત્રણ નેતાઓએ પ્રદેશ પ્રમુખ માટે દાવેદારી કરી છે. કનુ કલસરિયા, નરેશ રાવલ અને મનહર પટેલે દાવેદારી કરી છે. અધ્યક્ષ બનવા માટે પ્રભારી અને હાઇકમાન્ડ સામે દાવેદારી કરી છે. પ્રદેશ પ્રમુખ માટે ભરતસિંહ સોલંકી તથા અર્જુન મોઢવાડિયાના નામની ચર્ચા થઇ રહી છે. તેમજ પ્રદેશ પ્રમુખ માટે હાર્દિક પટેલ, જગદીશ ઠાકોર, ઈન્દ્રવિજયસિંહ ગોહિલ તથા પૂંજા વંશનું નામ પણ રજૂ કરાયું છે. કનુ કલસરિયાએ કહ્યું કે, પાર્ટી મને તક આપે તો મારી પાસે રોડમેપ તૈયાર છે. જ્યારે નેતા વિપક્ષ માટે પૂંજા વંશ, શૈલેષ પરમાર અને વિરજી ઠુમ્મર સહિતના નામ રજૂ કરવામાં આવ્યા છે.ત્યારે કનુ કલસરિયાનું કહેવું છે કે પાર્ટી મને તક આપે તો મારી પાસે રોડમેપ તૈયાર છે. 

ગુજરાત કોંગ્રસના અધ્યક્ષ માટે આ નામોની મોટી ચર્ચા

• 1 કનુ કલસરિયા
• 2 નરેશ રાવલ
• 3 મનહર પટેલ
• 4 ભરતસિંહ સોલંકી 
• 5 અર્જુન મોઢવાડિયા
• 6 હાર્દિક પટેલ 
• 7 જગદીશ ઠાકોર
• 8 ઈન્દ્રવિજયસિંહ ગોહિલ 

 વિપક્ષ નેતાના પદ માટેના નામની રેસ

• 1 પૂજા વંશ
• 2 શૈલેષ પરમાર 
• 3 વિરજી ઠુમ્મર

ગુજરાત કોંગ્રેસમાં ધડમૂળથી થશે બદલાવ
ગુજરાત કોંગ્રેસ સતત નબળું પ્રદર્શન કરી રહી છે ત્યારે પ્રભારી સાથે પ્રમુખોની બેઠક બાદ આગળના દિવસોમાં મોટા પાયે ફેરફાર થઈ શકે છે. જિલ્લા અને શહેર કોંગ્રેસના પ્રમુખો સાથે રઘુ શર્માએ બેઠક કરી નવા માળખા માટે સેન્સ લેવાની કામગીરી મોટા પાયે હાથ ધરવામાં આવી છે. બેઠકમાં અમિત ચાવડા અને પરેશ ધાનાણી પણ હાજર રહ્યા હતા. જેમાં જિલ્લા અને તાલુકા મથક પર કોંગ્રેસને મજબૂત કરવા માટે કવાયત કરવાનો રોડમેપ તૈયાર કરવામાં આવ્યો છે.તેમજ જિલ્લા સંગઠનના નવા માળખા અંગે પણ બેઠકમાં ચર્ચા કરવામાં આવી છે.

રઘુ શર્માની રણનીતિ કોંગ્રેસને ગુજરાતમાં તારશે?
ગુજરાત કોંગ્રેસમાં છેલ્લા ઘણા સમયથી પ્રભારીનું પદ ખાલી હતું તેને કારણે પક્ષમાં અગત્યની નિમણૂકો વિલંબે મુકાઈ હતી. . ત્યારે પ્રભારી તરીકે રઘુ શર્માની નિમણૂક થતાની સાથે જ તેઓ ગુજરાતમાં કોંગ્રેસને બેઠી કરવાના પ્રયાસોમાં લાગી ગયા છે. . રઘુ શર્માએ આજે લાંબા સમયથી જેની રાહ જોવાતી હતી તે પ્રદેશ પ્રમુખ તથા વિપક્ષ નેતાના પદની પસંદગીની કામગીરી આરંભી દીધી છે. . જેમાં તેમને કોંગ્રેસના ધારાસભ્યો સાથે વન ટુ વન બેઠક યોજીને આ અંગે સેન્સ લેવાની કામગીરી હાથ ધરી હતી. . આ મંથન દરમિયાન જૂના જોગીઓ સાથે નવા ચહેરાઓની પણ ચર્ચા કરવામાં આવી હતી. .મહત્વપૂર્ણ છે કે પ્રભારીની સક્રિયતાને જોતા હવે ગુજરાત કોંગ્રેસને નવા પ્રમુખ અને નેતા વિપક્ષ માટે બહુ રાહ નહીં જોવી પડે તેમ લાગી રહ્યું છે. .