સગાઈ / હાર્દિક પંડ્યાએ જેની સાથે સગાઈ કરી તે નતાશા જાણો કોણ છે, તસવીરો જોતાં જ રહી જશો

• હાર્દિક પંડ્યા અને નતાશાએ ક્રુઝ પર કરી સગાઇ 
• નતાશાએ બોલીવૂડ ફિલ્મો ઉપરાંત કર્યા છે ઘણા રીયાલીટી શો 
• બીગ બોસ 8માં નતાશાનું નામ પ્રિયાંક શર્મા સાથે જોડાયું હતું 

નતાશા પણ સોશિયલ મીડિયામાં ખુબ લોકપ્રિય છે. તેમની પોસ્ટ પર ભારે ચર્ચાઓ થતી હોય છે. નતાશાએ ઘણા બધા રીયાલીટી શો કર્યા છે. નતાશા નચ બલિયે 9માં જોવા મળી હતી. જ્યારે તે બીગ બોસ 8માં હતી ત્યારે તેમનું નામ પ્રિયાંક શર્મા સાથે જોડવામાં આવતું હતું. જ્યારે હાર્દિક પંડ્યાનું નામ પણ અભિનેત્રી ઉર્વશી રૌતેલા સાથે અનેક વાર જોડાઈ ચુક્યું છે.  

નતાશા સર્બિયન અભિનેત્રી છે. સાથે સાથે તે ખુબ સારી ડાન્સર પણ છે. તેમણે ઘણી બધી બોલીવૂડ ફિલ્મમાં ડાન્સનાં ગીતો કરેલાં છે. 

હાર્દિક પંડ્યા અને નતાશા દરિયાની વચ્ચે ક્રુઝ પર દેખાઈ રહ્યા છે. નતાશાએ જે વિડીયો શેર કર્યો છે તેમાં હાર્દિક પંડ્યા ખુબ જ રોમેન્ટિક અંદાજમાં પ્રપોઝ કરી રહ્યો છે. મધદરિયે રોમેન્ટિક સંગીતની વચ્ચે હાર્દિક પંડ્યા ઘૂંટણ પર બેસીને નતાશાને લગન માટે પ્રપોઝ કરે છે અને નતાશા હા પાડે છે.

નતાશાની હા પાડ્યા બાદ બંને એક બીજાને કિસ કરે છે જે બાદ હાર્દિક પંડ્યા નતાશાને રીંગ પહેરાવે છે અને બંને એક બીજા સાથે જોડાઈ જાય છે. હાર્દિક પંડ્યા હાલ ટીમ ઈન્ડિયામાંથી પોતાની ઈજાના કારણે બહાર ચાલી રહ્યા છે ત્યારે આ દરમિયાન જ તેમણે પોતાના નવા સંબંધની શુભ શરૂઆત કરી દીધી છે. 

હાર્દિક પંડ્યાએ તસવીરો શેર કર્યા બાદ ઈન્સ્ટાગ્રામમાં કેપ્શનમાં લખ્યું કે 'તું મેરી મેં તેરા જાને સારા હિન્દુસ્તાન'. હાર્દિક પંડ્યાની આ પોસ્ટ બાદ સોશિયલ મીડિયામાં તો જાણે આગ લાગી ગઈ.  લોકોએ હાર્દિકનાં ફોટો ખુબ શેર કર્યા. નતાશાએ પોતાની રીંગ લોકોને બતાવતી હોય તેવી તસવીર સોશિયલ મીડિયામાં મૂકી છે.