આદેશ / આજથી અમદાવાદમાં 144 લાગૂ, જાણો કેટલા દિવસ અને શા માટે કલમ લગાવાઇ

• પોલીસ કમિશનરે જાહેરનામું બહાર પાડીને કર્યો આદેશ
• 10 જાન્યુઆરીથી 25 જાન્યુઆરી સુધી કલમ 144 લાગૂ
• અમદાવાદમાં શાંતિ ન ડહોળાય, જેને લઇને લેવાયો નિર્ણય

CAA વિરોધ, ઉત્તરાયણનો તહેવાર અને ABVP-NSUIના ઘર્ષણના કારણે અમદાવાદમાં શાંતિ ડહોળાય નહીં જેને લઇને 10 જાન્યુઆરીથી 25 જાન્યુઆરી સુધી કલમ 144 લાગૂ કરવાની જાહેરાત કરવામાં આવી છે.

શુક્રવારે જ સુપ્રીમ કોર્ટે નાગરિકોની કાયદેસર અભિવ્યક્તિને દબાવી દેવા કલમ 144ને સાધન ન બનાવવું જોઈએ તેવી ટીકા કરી હતી. એ જ દિવસે અમદાવાદ પોલીસ કમિશનર દ્વારા શહેરમાં કલમ 144 લાગૂ કરવાની જાહેરાત કરી હતી. મહત્વનું છે કે, અમદાવાદમાં છેલ્લા કેટલાક મહિનાઓથી સતત આ કલમ લાગૂ કરવામાં આવતી હોવાથી ગુજરાત હાઈકોર્ટમાં પિટિશન દાખલ કરાઇ હતી.