કાર્યવાહી / ઉદ્યોગ જગતમાં ખળભળાટઃ મુકેશ-અનિલ અંબાણી સહિત 11 લોકો પર આ કેસમાં થઇ કાર્યવાહી

• અંબાણી ભાઈઓ પર સેબીની કાર્યવાહી
• ટેકઓવર કોડના ઉલ્લંઘનનો લગાવાયો છે આરોપ
• મુકેશ-અનિલ અંબાણી સહિત 11 લોકો પર થશે કાર્યવાહી

મુકેશ અંબાણી, અનિલ અંબાણી અને અન્ય 9 લોકો અને કંપનીઓ પર સેબીએ 25 કરોડ રૂપિયાનો દંડ ફટકાર્યો છે. ટેકઓવર કોડ રેગ્યુલેશનના ઉલ્લંઘન અને શેર હોલ્ડિંગમાં અનિયમિતતાને લઈને આ દંડ લગાવાયો છે. 

સેબીએ 85 પાનાનો આદેશ જાહેર કર્યો
સેબીએ કહ્યું છે કે રિલાયન્સ ઈન્ડસ્ટ્રીના પ્રમોટર અને કેસમાં સામેલ અન્ય સંબંધિત લોકોએ કંપનીના લગભગ 7 ટકા ભાગીદારીના અધિગ્રહણની વાત યોગ્ય રીતે બચાવી નથી. 

શું છે કેસ
આ કેસ જાન્યુઆરી 2020નો છે. જ્યારે 1994માં જાહેર થયેલા 3 કરોડ વોરંટના કન્વર્ઝન દ્વારા રિલાયન્સ ઈન્ડસ્ટ્રીમાં પ્રમોટરની ભાગીદારીમાં 6.83 ટકાનો વધારો થયો હતો. આરોપ એ છે કે તેમાં પ્રમોટર સમૂહ દ્વારા સેબીના રેગ્યુલેશન 1997ના નિયમો અનુસાર ઓપન ઓફર લાવવામાં આવી ન હતી. નિયમ અનુસાર જ્યારે કોઈ પ્રમોટર ગ્રૂપ 5 ટકાથી વધારે ભાગીદારી લે છે તો તેણે તે નાણાંકીય વર્ષમાં માઈનોરિટી ઇનવેસ્ટર્સને માટે ઓપન ઓફર લાવવાની હોય છે. 

45 દિવસમાં દંડ નહીં ભરાય તો  થશે કાર્યવાહી
પોતાના આદેશમાં Sebiએ કહ્યું છે કે પ્રમોટર ગ્રૂપ અને અન્ય આરોપીઓને ટેકઓવર રેગ્યુલેશન 11(1)નું ઉલ્લંઘન કર્યું છે. સેબીએ આ માટે મુકેશ અંબાણી, અનિલ અંબાણી, કોકિલાબેન અંબાણી, નીતા અંબાણી, ટીના અંબાણી, રિલાયન્સ ઈન્ડસ્ટ્રીના હોલ્ડિંગ, રિલાયન્સ રિયલ્ટી અને અન્ય લોકો અને કંપનીઓ પર 25 કરોડ રૂપિયાનો દંડ ફટકાર્યો છે. આ દંડ દરેકે મળીને ભરવાનો રહેશે. આ આદેશના 45 દિવસમાં દંડ નહીં ભરાય તો સેબી આ લોકોની વિરુદ્ધમાં કાર્યવાહી કરશે.