ભારતમાં કોરોના વાયરસનો પહેલો કેસ 30 જાન્યુઆરીએ કેરળમાં નોંધાયો હતો. પરંતુ દેશના ટોચના વૈજ્ઞાનિકોએ દાવો કર્યો છે કે ભારતમાં કોરોના વાયરસની એન્ટ્રી નવેમ્બર 2019 માં થઈ હતી. એવું માનવામાં આવી રહ્યું છે કે ચીન સાથે સંકળાયેલા વાયરસનો ફેલાવો નવેમ્બરથી શરૂ થયો હતો. તેને 'મોસ્ટ રિસેન્ટ કોમન એનસેન્ટર’ અથવા ' હાલનો સૌથી સામાન્ય પૂર્વજ’ (એમઆરસીએ) દ્વારા શોધી કાઢવામાં આવ્યું છે.
ભારતમાં નવેમ્બરમાં કોરોના વાયરસ આવ્યો હતો
તે 11 ડિસેમ્બર સુધી ફેલાઈ પણ ચૂક્યો હતો
આ વાયરસ ચીનથી નહીં પણ અન્ય દેશની આવ્યો હતો
દેશની મોટી સંશોધન સંસ્થાઓના ટોચના વૈજ્ઞાનિકોએ એવો અંદાજ લગાવ્યો છે કે વુહાનથી ઉદ્ભવેલા કોરોના વાયરસના પૂર્વજ વાયરસ 11 ડિસેમ્બર 2019 સુધી ફેલાઈ ચુક્યો હતો. 'તાજેતરના સામાન્ય પૂર્વજ માટેના સમય' (એમઆરસીએ) તરીકે ઓળખાતી વૈજ્ઞાનિક ટેક્નિકનો ઉપયોગ કરીને વૈજ્ઞાનિકોએ અંદાજો લગાવ્યો છે કે તેલંગાણા અને અન્ય રાજ્યોમાં ફેલાઈ રહેલા વાયરસની શરૂઆત 26 નવેમ્બરથી 25 ડિસેમ્બરની વચ્ચે થઈ હતી. જેનો મધ્ય 11 ડિસેમ્બર હતો.
શું 30 જાન્યુઆરી પહેલા ચીનથી મુસાફરી કરનારા લોકો દ્વારા વાયરસ ભારતમાં પહોંચ્યો હતો? જોકે આ હકીકત હજી સ્પષ્ટ થઈ નથી. કારણ કે તે સમયે કોવિડ -19નું દેશમાં મોટા પ્રમાણમાં પરીક્ષણ કરવામાં આવ્યું ન હતુ.
હૈદરાબાદ સ્થિત ‘સેન્ટર ફોર સેલ્યુલર એન્ડ મોલિક્યૂલર બાયોલોજી’(સીસીએમબી) ના સંશોધનકારો સહિત અન્ય સંશોધનકારોએ ન ફક્ત કોરોના વાયરસની ઉંમરનો અંદાજ લગાવ્યો છે બલ્કે વાયરસની નવી પ્રજાતિ પણ શોધી કાઢી છે. જે હાલના વાયરસથી અલગ છે. સંશોધનકારોએ તેનું નામ ક્લેડ I/A3i રાખ્યું છે. ક્લેડને એક સામાન્ય પૂર્વજના તમામ વિકાસવાદી વંશજોમાં સમાવિષ્ટ કરનારા એ જીવના જૂથ તરીકે વ્યાખ્યાયિત કરવામાં આવ્યો છે
સીસીએમબીના ડિરેક્ટર ડૉ. રાકેશ કે મિશ્રાએ કહ્યું કે, ભારતના કેરળ રાજ્યમાં સામે આવેલો પહેલો કોવિડ -19નો કેસ વુહાન શહેર સાથે જોડાયેલો હતો. પરંતુ હૈદરાબાદમાં સંશોધનકારો દ્વારા શોધી કાઢવામાં આવેલો (ક્લેડ I/A3i) ચીનમાં ઉત્પન્ન થયો ન હતો. બલ્કે તે દક્ષિણપૂર્વ એશિયામાં ક્યાંક સામે આવ્યો હતો. તેમણે કહ્યું કે આ નવા ક્લેડ મૂળ કયા દેશનો છે તે ચોક્કસ જાણી શકાયું નથી.
જ્યાં સુધી ક્લેડ I/A3iની વાત છે તે 17 જાન્યુઆરીથી 25 ફેબ્રુઆરીની વચ્ચે દેશમાં ફેલાયો હતો અને તેની મધ્ય તારીખ 8 ફેબ્રુઆરી હતી.