- પાટણમાં વિદ્યાર્થિની પર હુમલો
- કેવી રીતે અભ્યાસ કરશે વિદ્યાર્થિની
- આવા લુખ્ખા તત્વો પર કાર્યવાહી ક્યારે?
ગુજરાતમાં દિકરીઓ સુરક્ષિત હોવાના દાવા કરવામાં આવે છે પરંતુ દિકરીઓ સુરક્ષિત છે ક્યાં ? રોજબરોજ દુષ્કર્મ અને છે઼ડતીની ઘટનાઓ બનતી રહે છે. નાની બાળકી હોય કે પછી મહિલા. હવસખોરો- અસામાજિક તત્વોના પાપે દિકરીઓએ એકલા ઘરની બહાર મોકલવી મુશ્કેલ બન્યુ છે. ત્યારે પાટણમાં એક ચોંકાવનારી ઘટના બની. પાટણમાં શાળાએ જતી દિકરી પણ જીવલેણ હુમલો થયાની ઘટના બની છે.
શાળાએ જતી વિદ્યાર્થીની પાસે બીભત્સ માંગ કરી
જી, હા હવે તો દિકરીઓ શાળાએ જાય અને ત્યાંથી ઘરે પાછી આવે નહીં ત્યાં સુધી મા બાપનો જીવ ઉંચો રહે. કારણ કે ઠેર ઠેર અસામાજિક તત્વોની દાદાગીરી અને ગુંડાગર્દીને કારણે દિકરીઓની સુરક્ષાને લઇને સવાલો ઉઠી રહ્યા છે. ત્યારે પાટણમાં શાળાએ જતી દિકરી પર ઠાકોર જીવણજી નામના વ્યક્તિએ બીભત્સ માંગણી કરી દીધી. દિકરીએ તેનો ઇન્કાર આરોપીએ તેની પર છરીથી હુમલો કરીને ફરાર થઇ ગયો. ઘટનાને પગલે આસપાસના લોકો ભેગા થઇ જતા દિકરીને સારવાર અર્થે હોસ્પિટલ ખસેડવામાં આવી છે. ઘટનાને પગલે આરોપીને સત્વરે ઝડપી પાડીને કડકમાં કડક સજા કરવાની માગ કરવામાં આવી.
વિદ્યાર્થીનીએ વિરોધ કરતા છરીના ઘા ઝીંકી દીધા
મહત્વનું છે કે દિકરી ધોરણ 10માં અભ્યાસ કરે છે. તે વહાણા ગામથી કોઇટા ગામે શાળાએ જઇ રહી હતી તે દરમિયાન આ ઘટના બની. આરોપીએ વિદ્યાર્થીની પાસે બીભત્સ માંગણી કરતા વિદ્યાર્થીનીએ તેનો વિરોધ કર્યો તો આરોપીએ ઉશ્કેરાઇને વિદ્યાર્થીનીના પીઠ પર છરીના ઘા ઝીંકી દીધા. વિદ્યાર્થીનીને લોહી લુહાણ હાલતમાં હોસ્પિટલ ખસેડાઇ. ઘટનાને પગલે સમાજના આગેવાનો પણ હોસ્પિટલ પહોંચ્યા હતા અને માથાભારે આરોપીને દાખલારૂપ સજા થાય તેવી માંગ કરી હતી. ત્યારે અહીં એ સવાલ થાય છે કે શું આવી રીતે ભણશે દિકરીઓ ? ક્યાં સુધી આવા અસામાજિક તત્વોનો ત્રાસ સહન કરવો પડશે ? ક્યાં સુધી દિકરીઓ પર આવા હુમલા થતા રહેશે, ક્યારે પોલીસ આવા લુખ્ખાતત્વો સામે દાખલારૂપ કાર્યવાહી કરશે ?
