મજબૂરી / VIDEO: ખભા પર બેગ-હાથમાં દોરી, સ્કૂલ જવા નદીના ધસમસતા પ્રવાહમાં રસ્તો પાર કરવા મજબૂર બન્યા વિદ્યાર્થીઓ

• ઓડિશાના ગંજમ જિલ્લાની ઘટના 
• દોરડાની મદદથી નદી પાર કરી રહ્યા વિદ્યાર્થીઓ 
• સોશિયલ મીડિયા પર વાયરલ થયો વીડિયો 

ઓડિશાના ગંજમ જિલ્લામાંથી એક વીડિયો વાયરલ થયો છે. આ વીડિયોમાં સ્કૂલના કેટલાક વિદ્યાર્થીઓ પોતાનો જીવ જોખમમાં મુકીને દોરડાની મદદથી નદી પાર કરતા જોવા મળે છે. પુલ ન હોવાને કારણે બાળકો શાળાએ પહોંચવા માટે દોરડા વડે ધસમસતા પ્રવાહમાં વહેતી નદી પાર કરી રહ્યા છે. બ્રિજ બનાવવામાં રાજ્ય સરકારની નિષ્ફળતાની કેટલાક લોકો દ્વારા ટીકા કર્યા બાદ આ મામલો પ્રકાશમાં આવ્યો હતો.

#WATCH | Odisha: Tribal students in the Ganjam district's Behrampur are forced to cross the river with the help of a rope to reach their school (12.07) pic.twitter.com/dxeH1NLXrX

— ANI (@ANI) July 13, 2022

પુલ ન બનવાના કારણે મુશ્કેલીઓ 
જણાવવામાં આવી રહ્યું છે કે દર વર્ષે વરસાદની સિઝનમાં ગંજમ જિલ્લાના લોકોને પુલના અભાવે મુશ્કેલીનો સામનો કરવો પડે છે. સાથે જ શાળાના બાળકોને જીવ જોખમમાં મુકીને દોરડા વડે નદી પાર કરવાની ફરજ પડી રહી છે. 

આ દરમિયાન સ્કૂલ પ્રશાસન સહિત જન શિક્ષા મંત્રી સમીર રંજન દાસે આ સમગ્ર ઘટનાની જાણકારી હોવાનો ઈનકાર કર્યો. તેણે કહ્યું કે મને આ વિશે મીડિયા દ્વારા માહિતી મળી. સ્થાનિક ધારાસભ્ય સહિત જિલ્લા શિક્ષણાધિકારી સાથે વાત કરીને આ સમસ્યાનો ઉકેલ શોધીશું. 

આગામી 5 દિવસ ભારે વરસાદની આગાહી
વાસ્તવમાં ઓડિશાના તમામ જિલ્લાઓમાં ચોમાસાએ દસ્તક આપી દીધી છે. જોરદાર વરસાદના કારણે નદીઓમાં ગાબડું પડ્યું છે. ઓડિશામાં છેલ્લા 24 કલાકમાં સામાન્ય કરતાં 81 ટકા વધુ વરસાદ થયો છે. ત્યાં જ હવામાન વિભાગના જણાવ્યા અનુસાર, આગામી 5 દિવસ સુધી ભારે વરસાદની સંભાવના છે. જેને ધ્યાનમાં રાખીને દરિયાકાંઠાના વિસ્તાર સહિત આંતરિક ઓડિશાના જિલ્લાઓમાં યલો એલર્ટ જાહેર કરવામાં આવ્યું છે.