સારાં સમાચાર / SBIએ વરિષ્ઠ નાગરિકોને આપી મોટી ભેટ, હવે 31 ડિસેમ્બર સુધી આ સ્પેશિયલ સ્કીમનો લાભ લઈ શકાશે

• એસબીઆઈ ખાતાધારકો માટે સારાં સમાચાર
• બેંકે વરિષ્ઠ નાગરિકો માટે આ સ્કીમની અવધિ લંબાવી
• વરિષ્ઠ નાગરિકો માટે વિશેષ એફડી યોજના વર્ષના અંત સુધીમાં ઉપલબ્ધ થઈ જશે

એસબીઆઈની આ નવી યોજનામાં 5 વર્ષ અથવા તેનાથી વધુ સમયની એફડી પર 30 બેસિસ પોઇન્ટનો વધારાનો પ્રીમિયમ વ્યાજ આપવામાં આવશે. આ યોજના ફક્ત 31 ડિસેમ્બર 2020 સુધી લાગુ રહેશે. આ યોજના હેઠળ રજિસ્ટર કરાવનારા ગ્રાહકોને જ લાભ મળશે.

કોણ રોકાણ કરી શકે છે

60 વર્ષ કે તેથી વધુની ઉંમરના વ્યક્તિ આ યોજનામાં રોકાણ કરી શકે છે. આ યોજના 5 વર્ષ કે તેથી વધુ સમયગાળા માટે છે. જ્યારે યોજનામાં મહત્તમ ડિપોઝિટની રકમ 2 કરોડ રૂપિયાથી ઓછી છે. એસબીઆઇ વીકેયર ડિપોઝિટમાં મેચ્યોરિટી પહેલાં ઉપાડ પર કોઈ વધારાનું વ્યાજ ચૂકવવામાં આવતું નથી.

વરિષ્ઠ નાગરિકને 5 વર્ષથી ઓછાં સમયની રિટેલ ટર્મ ડિપોઝિટ પર સામાન્ય લોકો કરતા 0.50% વધુ વ્યાજ મળશે. 5 વર્ષથી વધુની રિટેલ ટર્મ ડિપોઝિટ પર 0.80% વ્યાજ મળશે, જેમાં વધારાના 0.30% નો સમાવેશ થાય છે. એસબીઆઈ વીકેયર ડિપોઝિટ યોજનાનો લાભ 31 ડિસેમ્બર 2020 સુધી મેળવી શકાય છે.