ધ્યાન રાખો / SBIનું એલર્ટ! 31 માર્ચ પહેલા આટલું નહીં કર્યુ હોય તો બેંકીંગ સેવા થઇ જશે ઠપ્પ, જાણો વિગત

• SBIએ જાહેર કર્યુ એલર્ટ
• પાનકાર્ડને આધાર સાથે લિંક કરવું જરૂરી
• 31માર્ચ 2022 છે અંતિમ દિવસ 

દેશની સૌથી મોટી જાહેર ક્ષેત્રની બેંક એસબીઆઇએ પોતાના ગ્રાહકો માટે એલર્ટ જાહેર કર્યુ છે. આ અંગે ટ્વિટમાં બેંકે પોતાના ખાતાધારકોને જણાવ્યું કે 31 માર્ચ,2022 પહેલા પાનકાર્ડ અને આધારકાર્ડને લિંક કરવા માટેની નોંધ લખી છે. બેંકે જણાવ્યું કે આ સમયગાળામાં જો તમે આમ નહી કરો તો ખાતાધારકોની બેંકિંગ સેવા બંધ થઇ જશે. જેના કારણે મોટું નુકસાન વેઠવાનો વારો આવી શકે છે.
 
પાનકાર્ડને આધારકાર્ડ સાથે લિંક કરાવવુ જરુરી

ઇનકમ ટેક્સ નિયમો અનુસાર પાનકાર્ડ આધાર કાર્ડ સાથે લિંક કરવું હવે જરૂરી છે. આવી સ્થિતિમાં જો કોઇ પાનકાર્ડને આધારકાર્ડ સાથએ લિંક ન કરે તો તેનું પાનકાર્ડ અમાન્ય ગણાશે.એસબીઆઇએ  ગ્રાહકોને થતી અસુવિધાથી બચાવવા માટે એલર્ટ જાહેર કરતા જણાવ્યું કે તેઓ પોતાનું પાન કાર્ડ અને આધારકાર્ડ લિંક કરી લો. જો એમ નહી કરવામાં આવે તો બેંક પાનકાર્ડ અમાન્ય ગણશે અને તમારી બેંકિંગ સેવા બંધ કરી દેશે. આથી 31 માર્ચ પહેલા આ કામ જરુરથી કરી લેવું. સામાન્ય રીતે પાન કાર્ડ અને આધાર કાર્ડ માટે લિંક કરવાની ડેડલાઇન પહેલા 30 સપ્ટેમ્બર 2021 હતી.. લોકોને સુવિધા આપવા માટે તે પછી સરકાર દ્વારા 31 માર્ચ 2022 સુધીની કરવામાં આવી હતી. જો તમે આ સમયગાળા દરમિયાન પાનકાર્ડ આધાર સાથે લિંક નહી કરાવો તો બેંકિંગ સેવાઓ ઠપ થઇ જશે.

આ રીતે પેનકાર્ડને આધાર સાથે કરો લિંક

•  https://www.incometaxindiaefiling.gov.in/home પર ક્લિક કરો.
• અહીં તમને લિંક આધારનો વિકલ્પ દેખાશે. તેના પર ક્લિક કરો.
• આગળના પેજ પર, તમારે આધાર કાર્ડમાં દાખલ કરેલ તમારું નામ ભરવાનું રહેશે.
• જો તમારા આધારમાં જન્મનું વર્ષ જ દાખલ કરવામાં આવ્યું હોય, તો આધાર કાર્ડ વિકલ્પમાં મારી પાસે માત્ર જન્મનું વર્ષ પસંદ કરો.
• Captcha કોડ દાખલ કરીને રજિસ્ટર્ડ મોબાઇલ નંબર પર પ્રાપ્ત OTP દાખલ કરો.
• આ પછી, તમે સબમિટ કરતા જ તમારું આધાર અને પાન કાર્ડ લિંક થઈ જશે.
• આ પછી, તમે તમારી SBI બેંકિંગ સેવાનો લાભ વધુ સરળતાથી લઈ શકો છો.

બીજી રીત

• તમે SMS દ્વારા પણ PAN અને આધારને લિંક કરી શકો છો.
• આ માટે મોબાઈલના મેસેજ બોક્સમાં જઈને UIDPAN<12-અંકનો આધાર><10-અંકનો PAN> લખો.
• -આ મેસેજ 567678 અથવા 56161 પર મોકલો. આ સાથે તમારું પાન કાર્ડ આધાર સાથે લિંક થઈ જશે.