એલર્ટ / SBIના ગ્રાહકો માટે આવ્યું ખાસ એલર્ટઃ જો ઓનલાઈન કરશો આ કામ તો ખાલી થઈ જશે એકાઉન્ટ

• SBIના ગ્રાહકો માટે આવ્યું ખાસ એલર્ટ
• દગાખોરોથી સાવધાન રહો અને શેર ન કરો કોઈ પણ ડેટા
• સ્ટેટ બેંક ઓફ ઈન્ડિયાએ ટ્વિટ કરી ગ્રાહકોને ચેતવ્યા

આજના સમયમાં બધું ઓનલાઈન થયું છે કેમકે જમાનો હવે ડિજિટલ થયો છે. કોરોના મહામારીના સમયે ઓનલાઈન સેવાઓથી રાહત મળે છે. ઘરમાં બેઠા બેઠા કામ થઈ જાય છે. બેંકના કામથી લઈને ખરીદીની અનેક ચીજો ફોનથી તમે પતાવી લેતા હોવ છો. આ સમયે તમારી આદતથી તમે સાઈબર ઠગનો શિકાર પણ સરળતાથી બની જાઓ છો. તેઓ તમને તેમની જાળમાં ફસાવવાની કોશિશ કરે છે. દેશની સૌથી મોટી બેંક સ્ટેટ બેંક ઓફ ઈન્ડિયાએ આ માટે ગ્રાહકોને ખાસ ચેતવણી આપી છે.  

We advise our customers to be alert of fraudsters and not to share any sensitive details online or download any app from an unknown source.#StaySafe #StaySecure #BeAlert #CyberSecurity #CyberSafety #SBIAapkeSaath pic.twitter.com/swhJjjlIcY

— State Bank of India (@TheOfficialSBI) June 13, 2021

શું કહ્યું છે બેંકે પોતાની ટ્વિટમાં
એસબીઆઈએ ટ્વિટ કરીને લાખો ગ્રાહકોને આદેશ આપ્યા છે અને તેમને સાવધાન રહેવા કહ્યું છે. ટ્વિટ કરીને લખ્યું છે કે અમે તમને સલાહ આપીએ છીએ કે દગાખોરોથી સતર્ક રહો અને કોઈ પણ સંવેદનશીલ ડેટાને ઓનલાઈન શેર ન કરો અથવા તો કોઈ અજ્ઞાત સ્ત્રોતથી કોઈ એપને ડાઉનલોડ પણ ન કરો.  

કોઈની સાથે શેર ન કરો પર્સનલ ડિટેલ્સ
એસબીઆઈએ પોતાના દિશા નિર્દેશમાં કહ્યું છે કે ગ્રાહકો ખાસ કરીને પોતાની પર્સનલ જાણકારી જેમ કે બર્થડેટ, ડેબિટ કાર્ડ નંબર, ઈન્ટરનેટ બેકિંગ યૂઝર આઈડી/પાસવર્ડ, ડેબિટ કાર્ડ પિન નંબર, સીવીવી, ઓટીપી વગેરેને શેર ન કરો.  

દગાખોરો કરે છે આ કામ
દગાખોરો ગ્રાહકોની પાસે એસબીઆઈ કે આરબીઆઈ અને સરકારની તરફથી કોલ કરવાનો દાવો કરે છે. આ સાથે તમને જાળમાં ફસાવવાની કોશિશ કરે છે. આ ફોન કોલથી સાવધાન રહો અને સાથે કેવાઈસીને માટે પણ ફોન આવે છે અને પર્સનલ ડિટેલ્સ માંગવામાં આવે છે તો એલર્ટ રહો તે જરૂરી છે.  
 

આવી ઓફર પર ન આપો ધ્યાન
કોઈ અજ્ઞાત સ્ત્રોતથી ટેલિફોન કોલ/ ઈમેલ આવે છે તો મોબાઈલ એપ ડાઉનલોડ ન કરો. તેમાં એટેચમેન્ટ લિંક પર ક્લિક કરવાનું ટાળો. ઈમેલ, એસએમએસ અને અન્ય સોશ્યલ મીડિયાના માધ્યમથી કોઈ પણ ઓફરનો જવાબ ન આપો. તે ગમે તેવી આકર્ષક હોય તો પણ ફ્રોડનો શિકાર થવાથી બચો. તમારી સુરક્ષા તમારા હાથમાં છે. 
 

દેશમાં ઝડપથી ઈન્ટરનેટનો વિકાસ થઈ રહ્યો છે. તે રીતે તેમાં દગાખોરીના કેસ પણ વધી રહ્યા છે. આ માટે એક ખાસ સાઈબર સેલની તૈયારી પણ કરવામાં આવી છે જેથી આ પ્રકારની ઘટનાઓને અને લોકોના નુકસાનને અટકાવી શકાય.