સૌરાષ્ટ્રના સૌથી મોટા ડેમ એવા ભાદર ડેમનું તળીયું દેખાયું છે. ભાદર ડેમમાં હાલ માત્ર 5 ટકા જેટલો જ પાણીનો જથ્થો બચ્યો છે. હાલ ભાદર ડેમમાં 344 મીલિયન ક્યુબ ફીટ જેટલો જ પાણીનો જથ્થો બચ્યો છે. ભાદર ડેમમાંથી 50થી વધુ ગામોને પીવાનું પાણી પહોંચાડવામાં આવે છે. ત્યારે આ ડેમ પર 22 લાખ લોકોના પીવાના પાણીનો આધાર છે. એવામાં ડેમમાં 15 જૂન સુધી ચાલે તેટલો જ પાણીનો જથ્થો બચ્યો છે. ત્યારે વરસાદ મોડો થાય તો વૈકલ્પિક વ્યવસ્થા શું કરવી તે વિચારવાની ફરજ પડી શકે છે.