રાજકોટમાં આવેલ સૌરાષ્ટ્ર યુનિવર્સિટી ફરી એક વાર વિવાદોમાં ઘેરાઈ છે. જેમા ભાજપનાજ કોર્પોરેટરે ભાજપનાજ સિન્ડિકેટ સભ્યની નિયુક્તિ કરી જેને લઈને વિવાદ સર્જાયો છે
સૌરાષ્ટ્ર યુનિવર્સિટી ફરી એક વખત વિવાદોમાં ઘેરાઈ
સિન્ડિકેટ સભ્યની નિયુક્તિને લઈને મામલો વણસ્યો
આંદોલનના અલ્ટિમેટમ માટેની ચીમકી ઉચ્ચારવામાં આવી
રાજકોટમાં આવેલ સૌરાષ્ટ્ર યુનિવર્સિટી અવાર નવાર કોઈને કોઈ કારણોસર વિવાદોમાં આવતી હોય છે. ત્યારે ફરી વખત સૌરાષ્ટ્ર યુનિવર્સીટી આ વખતે વિવાદોમાં ઘેરાઈ ગઈ છે. જેમા ભાજપનાજ કોર્પોરેટરે ભાજપના સિન્ડિકેટ સભ્યની નિયુક્તી કરી છે. જેને લઈને ઘણા સવાલો ઉઠી રહ્યા છે. અને આ મુદ્દો વિવાદ બન્યો છે.
સમગ્ર મામલે VCને રજૂઆત કરવામાં આવી
ભાજપના કોર્પોરેટરે ભાજપનાજ સિન્ડિકેટ સભ્યની નિયુક્તિ તો કરી સાથેજ તેમણે અન્ય સિન્ડિકેટ સભ્ય કલાધરઆર્યની નિયુક્તિને પણ ખોટી ગણાવી છે. જેને લઈને હવે વિવાદ વકર્યો છે. આ મામલે વોર્ડ નંબર-5ના ભાજપના કોર્પોરેટર હાર્દિક ગોહિલે VCને રજૂઆત કરી છે. જેથી આ મુદ્દો હવે ચર્ચાનું કેન્દ્ર બન્યો છે.
10 દિવસમાં નિર્ણય લેવાની માગ
આ સમગ્ર મામલે તબલા સમતિના કલાધર આર્યની નિયુક્તિ ખોટી રીતે થઈ છે તેવી VCને રજૂઆત કરવાંમાં આવી છે. સાથેજ જો આ સમગ્ર મામલે 10 દિવસમાં નિર્ણય નહી લેવામાં આવે તો આંદોલનનું અલ્ટીમેટમ આપવા માટેની પણ ચીમકી ઉચ્ચારવામાં આવી છે. જેના કારણે આ મુદ્દે હવે વિવાદ વધી ગયો છે.
આજની બેઠક તોફાની બની શકે તેવી સંભવના
આપને જણાવી દઈએ કે આજે સૌરાષ્ટ્ર યુનિવર્સિટીમાં સિન્ડિકેટ સભ્યોની બેઠક છે જે બેઠકમાં અત્યાર સુધીના બધા વિવાદો મામલે ચર્ચા થઈ શકે છે. જેથી આજે સિન્ડિકેટની આ બેઠક તોફાની બની શકે છે.
અગાઉ પણ વિવાદો સર્જાયા હતા
ઉલ્લેખનીય છે કે અગાઉ પણ સૌરાષ્ટ્ર યુનિવર્સિટીમાં જુનિયર એન્જિનિયરને બાંઘકામ સમિતિના નિષ્ણાંત બનાવી દેવામાં આવ્યા હતા. જેને લઈને ભારે વિવાદ થયો હતો. તે પહેલા પણ આસિટન્ટ પ્રોફેસરની ભરતીને લઈને અહિયા વિવાદ સર્જાયો હતો. ત્યારે વધુમાં ફરી એક વાર હવે સૌરાષ્ટ્ર યુનિવર્સિટીમાં વિવાદ સર્જાયો છે.