કરૂણતા / આ તે કેવો વિકાસ: ભારતને ગોલ્ડ મેડલ અપાવનાર દીકરી પાણી ભરવા 1000 મીટર ચાલીને જાય છે

• સરિતા કરી રહી છે ઑલમ્પિકની તૈયારી
• લૉકડાઉનમાં કરે છે ખેતી

2018ની એશિયન ગેમ્સમાં 400 મીટર દોડમાં દેશને ગોલ્ડ મેડલ અપાવનાર ગુજરાતની સરિતા ગાયકવાડને 1000 મિટર દૂર પાણી ભરવા જવું પડે છે. દેશને મેડલ અપાવનાર ભારતની આ દીકરીને હાલના સમયે પીડા ભોગવવી પડી રહી છે. 

સરિતાએ પોતાની મહેનતથી દેશને ગોલ્ડ મેડલ અપાવ્યો પરંતુ કમનસીબે તેના વતનમાં આજે પણ પાણી માટે સંઘર્ષ કરવો પડે છે. તેનુ વતન ડાંગ જીલ્લામાં છે અને સરિતાના ગામનું નામ કરાડી આંબા છે. ડાંગમાં ચોમાસાની સીઝનમાં 100 ઇંચથી વધુ વરસાદ વરસવા છતાં ઉનાળામાં 311 ગામ પાણીની સમસ્યાનો સામનો કરે છે. 

આવા અંતરીયાળ ગામડાઓને ભોગવવાનો વારો આવે છે. સરિતાએ જણાવ્યું હતું કે, તે ઓલમ્પિકની તૈયારી માટે પૉલેન્ડ ગઇ હતી અને ત્યાંથી પંજાબ ખેલકૂદ સેન્ટરમાં 2 મહિનાની ટ્રેનિંગ લીધી હતી. લૉકડાઉનના 7 દિવસ બાદ તે પોતાના વતન પરત ફરી હતી. જ્યાં તે હાલમાં કૂવા પરથી પાણી ભરવાનુ તેમજ ખેતીવાડીનું કામ કરે છે.