ફિલ્મ જગતની મશહૂર અભિનેત્રી સારા અલિખાન આજકાલ ચર્ચામાં છે. માહિતી અનુસાર આ એક્ટ્રેસ ગુજરાત ટાઇટન્સના સ્ટાર ક્રિકેટર શુભમન ગિલ સાથે રિલેશનમાં છે તેવા અનુમાન લગાવવામાં આવી રહ્યાં છે. જો કે તેનો વીડિયો પણ વાયરલ થઇ રહેલો છે. આ પહેલા તે કાર્તિક આર્યન સાથે સંબંધમાં હતી તેવી પણ ચર્ચા ભૂતકાળમાં થયેલી છે.
સારા અલી ખાનનાં અફેરની થઇ રહી છે ચર્ચા
ગુજરાત ટાઇટન્સનાં શુભમન ગિલ સાથે જોડાઇ રહ્યું છે નામ
હોટલમાંથી બન્ને સાથે નિકળ્યાં બહાર, વીડિયો થયો વાયરલ
બોલિવૂડ: સોશિયલ મીડિયાના સમયમાં સેલિબ્રિટીઝની પર્સનલ લાઇફ હવે પર્સનલ રહી નથી. તેવામાં બોલિવૂડ અભિનેત્રી સારા અલી ખાન એક સ્ટાર ક્રિકેટર સાથે સ્પોટ થતાં તેનો વીડિયો વાયરલ થઇ ગયો છે. ટ્રોલર્સનું કહેવું છે કે સારા અલી ખાન અને શુભમન ગિલ વચ્ચે જરૂર કંઇક ખિચડી પાકી રહી છે. સોશિયલ મીડિયા પર થયેલા વાયરલ વીડિયોમાં બંને સાથે એક હોટલની બાહર નિકળી રહ્યાં છે.
સારા અને શુભમન સાથે જોવા મળ્યા
મીડિયા રીપોર્ટ પ્રમાણે સારા અલી ખાન અને શુભમન ગિલ બંને સાથે જોવા મળ્યા છે. સોશિયલ મીડિયા પર એક વીડિયો વાયરલ થયો છે જેમાં સારા અલી ખાન અને શુભમન દિલ્લીની એક હોટેલમાંથી સાથે બહાર નીકળતા નજરે પડ્યા છે. તે બંને કેઝ્યુઅલ કપડામાં નજરે પડ્યાં હતાં. વધુમાં બંને ફ્લાઈટમાં પણ સાથે હોવાનો દાવો લોકો કરી રહ્યાં છે.
વીડિયો થયો વાયરલ
વીડિયોમાં સારા અલી ખાન પિંક ટ્રેક અને ટોપમાં નજરે પડે છે કે છે. ફ્લાઈટમાં સારા પોતાના ફેન્સ સાથે ફોટો પડાવતી પણ જોવા મળી હતી. સેલ્ફી લીધા પછી સારા શુભમનની બાજુમાં જઇ બેસે છે અને બંને સાથે એક જ ફ્લાઈટમાં સફર પણ કરે છે. સારા અને શુભમનને સાથે જોઇ ફેન્સમાં ઉત્સાહનો લહેરકો ફરી નિકળ્યો છે.
ડીનર ડેટ પર પણ દેખાયા સારા અને શુભમન
આ પહેલી ઘટના નથી કે જ્યાં આ બંને એકસાથે નજરે પડ્યાં છે. આ પહેલા પણ સારા અને શુભમન મુંબઈની એક રેસ્ટોરન્ટમાં સાથે ડીનર ડેટ પર સ્પોટ થયાં હતાં. જેના ફોટોઝ સોશિયલ મીડિયો પર ખૂબ વાયરલ થયાં હતાં. બંનેના અફેરની ખબર લોકોમાં ફેલાયેલી જ છે પણ બંનેમાંથી એકનું પણ આ ઘટના પર કોઇ જ રિએક્શન કે રિપ્લાય છે નહીં. પહેલાં તો શુભમનનું નામ સચીન તેંડુલકરની દિકરી સારા તેંડુલકર સાથે પણ જોડવામાં આવી રહ્યું હતું.
ફેન્સએ પૂછ્યા સવાલો
સોશિયલ મીડિયા પર ફ્લાઈટનો વીડિઓ વાયરલ થઇ રહ્યો છે. આ વીડિયોએ ક્રિકેટર સાથેનાં સારાનાં ડેટિંગના મુદાને વધુ ગતિ આપી છે. સારાને સવાલ કરતા એક યુઝરે પૂછ્યું કે 'શું ચક્કર ચાલે છે?' તો બીજા એક યૂઝરે લખ્યું કે 'શુભમન ગિલ સારાથી ઓબ્સેસ્ડ છે. ' સોશિયલ મીડિયા પર લોકો સારા અને શુભમનના ડેટિંગની વાતો કરી રહ્યા છે. કેટલાક ફેન્સને તો તેમની રિલેશનશીપ ઓફીશિયલ થવાની રાહ આતુરતાથી જોવે છે.