IPLIN
 
  • Home
  • Sports
  • sania mirza posts after pakistan end new zealands shoaib malik got trolled

વાયરલ / પાકિસ્તાનની જીત પર સાનિયા મિર્ઝાએ કર્યું ટ્વિટ, પતિ શોએબ થયો ટ્રોલ

Team VTV 01:05 PM, 27 Jun 19
Follow us
sania mirza posts after pakistan end new zealands shoaib malik got trolled

ભારત વિરુદ્ધ હાર બાદથી પાકિસ્તાન ક્રિકેટ ટીમને ફેન્સના ગુસ્સાનો સામનો કરવો પડી રહ્યો છે. જો કે ત્યારબાદની મેચોમાં પાક ટીમે જોરદાર વાપસી કરી છે. પાકિસ્તાની ટીમે પહેલા દક્ષિણ આફ્રિકાને શાનદાર રીતથી હરાવી અને બુધવારે ન્યૂઝીલેન્ડને પણ માત આપી.

વર્લ્ડકપમાં પાકિસ્તાને બુધવારે મોટી ઉલટફેર કરી. ન્યૂઝીલેન્ડની વિરુદ્ધ રમવામાં આવેલી મેચમાં પાકિસ્તાને 6 વિકેટથી જીત મેળવી છે. આવું કરીને પાકિસ્તાને સેમીફાઇનલમાં જગ્યા બનાવવાની આશાને યથાવત રાખી છે. આ મેચ બાદ ભારતીય ટેનિસ સ્ટાર સાનિયા મિર્ઝાએ એવું ટ્વિટ કર્યું, જેને લઇને સોશિયલ મીડિયા યૂઝર્સ  સાનિયાના પતિ પાકિસ્તાની ક્રિકેટર શોએબ મલિકને જ ટ્રોલ કરવા લાગ્યા. 

પાકિસ્તાની ટીમે પહેલા દક્ષિણ આફ્રિકાને શાનદાર રીતે હરાવી અને બુધવારે ન્યૂઝીલેન્ડને પણ માત આપી, સાનિયા મિર્ઝાએ ન્યૂઝીલેન્ડ વિરુદ્ધ મેચ બાદ ટ્વિટ કર્યું, 'खेल कितना अविश्वसनीय हो सकता है. बधाई पाकिस्तानी टीम.'

સાનિયાના આ ટ્વિટ પર લોકો શોએબ મલિકને ટ્રોલ કરતા રિપ્લાય કરવા લાગ્યા કે પાકિસ્તાન એટલા માટે જીત્યું કારણ કે શોએબ મલિક ટીમમાં નહતો. જણાવી દઇએ કે શોએબ આ મેચ માટે પ્લેઇંગ ઇલેવનનો ભાગ નહતો. 

જણાવી દઇએ કે ન્યૂઝીલેન્ડે પાકિસ્તાનની વિરુદ્ધ 6 વિકેટ પર 237 રન બનાવ્યા, જવાબમાં પાકિસ્તાને 49.1 ઓવરમાં 241 રન બનાવીને મેચ જીતી લીધી, મેચનો હીરો બન્યો બાબર આઝમ, એને જોરદાર સેન્ચ્યુરી મારી અને શાહીન આફ્રીદિએ ત્રણ વિકેટ લીધી. 

થોડાક દિવસો અગાઉ જ પાકિસ્તાન ક્રિકેટ ટીમની સાથે સાનિયા મિર્ઝાની હુક્કા પાર્ટી કરતો એક વીડિયો ખૂબ વાયરલ થયો હતો. 16 જૂને ઇન્ડિયા સામે મેચ હાર્યા બાદ એક વીડિયો વાયરલ થયો, જેમાં જણાવવામાં આવ્યું હતું કે પાકિસ્તાન ટીમના ખેલાડી મેચના 7 કલાક પહેલા હુક્કો પી રહ્યા હતા. શોએબ મલિક સાથે પત્ની સાનિયા મિર્ઝા પણ હાજર હતી. 

ICC World Cup 2019 ટ્વિટર Sania Mirza Shoaib Malik પાકિસ્તાન ન્યૂઝીલેન્ડ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ