IPLIN
 
  • Home
  • OMG
  • India
  • Salute to ITBP ... 15 hours, 40 km of continuous walking done by the soldiers, knowingly say proud of the army

સાહસિક / ITBPને સલામ...15 કલાક, 40 કિમી સતત ચાલીને જવાનોએ કર્યું આ કામ, જાણીને કહેશો ગર્વ છે સેના પર

Team VTV 08:24 PM, 23 Aug 20 | Updated: 08:25 PM, 23 Aug 20
Follow us
Salute to ITBP ... 15 hours, 40 km of continuous walking done by the soldiers, knowingly say proud of the army

સમાચાર એજન્સી ANIએ ઇન્ડો તિબેટન બોર્ડર પોલીસ ફોર્સના જવાનોની કામગીરીનો એક વિડીયો તેના એકાઉન્ટ પર ટ્વિટ કર્યો હતો. જેમાં બહાદુર જવાનોએ એક જખ્મી મહિલાને સ્ટ્રેચર પર સૂવડાવીને સતત 15 કલાક સુધી ચાલીને 40 કિલોમીટર જેટલું અંતર કાપીને ફાડી રસ્તાઓ ઓળંગી રહ્યા છે. 

  • પહાડી દુર્ગમ રસ્તા પર જીવન જોખમે સતત ચાલ્યા  ITBPના જવાનો 
  • એક ઘાયલ મહિલાને સ્ટ્રેચર પર સૂવાડીને નજીકના ગામમાં પહોંચાડી 
  • ટ્વિટર પર લોકો આ વિડીયો શેર કરીને આપી રહ્યા છે ઘણી પ્રતિક્રિયાઓ 

સીમા પર તૈનાત ભારતીય જવાનો દુશ્મનોને તો પોતાના સાહસ દ્વારા પાછા ખદેડી રહ્યા છે જો કે સાથે જ તેઓ દેશની જનતા માટે પણ આપત્તિ સમયે મદદની એક મજબૂત ઓથ બનીને ઊભા રહી જતાં હોય છે. ઉત્તર ભારતના આવા ઘણા પહાડી પ્રદેશોમાં સેના ત્યાંની જાણતા માટે સૌથી મોટીન મદદગાર સાબિત થઈ રહી છે. આવ જ એક પ્રસંગનો વિડીયો સમાચાર એજન્સી ANIએ શેર કર્યો હતો.

શું છે વિડિયોમાં ? 

ઉત્તરાખંડના લુપસા ગામમાં મૂળભૂત સુવિધાઓ ન હોવા બરાબર છે, અને આ વિસ્તાર આસપાસના વિસ્તારથી બહુ કનેક્ટેડ પણ નથી. અહીથી નજીકનું થોડી સુવિધા વાળું ગામ પણ મુનસિયારી છે જે 40 કિમી દૂર છે, અને ત્યાં પહોંચવા માટે ઠીકઠાક સડક માર્ગ પણ નથી. 

એક ઘાયલ મહિલાને મદદ કરતો વિડીયો છે.. 

આ વિડિયોમાં જોઈ શકાય છે કે એક મહિલા ઘાયલ છે જેને મદદની ખૂબ જ જરૂર હતી. આવ સમયે ITBPના જવાનોએ આ મહિલાને સ્ટ્રેચર પર સૂવડાવી દીધી છે, અને ચાલતા જ તેઓ નજીકના ગામડા મુનસિયારી સુધી પહોંચવા માટે નીકળી પડે છે. જો કે આ રસ્તો કોઈ સદા મેદની પ્રદેશનો રસ્તો નથી.  આ રસ્તામાં ઘણી બધી ઉફાન મારતી નદીઓ પડે છે અને વચ્ચે ઘણા દુર્ગમ પહાડી રસ્તાઓ, ઢાળ અને ઢોળાવો છે. સાથે જ મહિલાને પણ પડવા દેવાની નથી. આમ આ રસ્તા પર સાહસ સાથે જીવન બચાવવાની પણ જવાબદારી હતી. 

જો કે ITBPના જવાનોએ આ કામગીરી સફળતા પૂર્વક પાર પાડી હતી, જેનો વિડીયો ANIએ શેર કર્યો હતો. અને જેને લઈને ઘણા લોકો તેની પ્રતિક્રિયાઓ પણ આપી રહ્યા છે. 


 

ITBP indian army ભારતીય સેના Twitter ટ્વિટર
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ