મેરેજ / Ohh! તો આ કારણોસર સલમાને હજી સુધી નથી કર્યા લગ્ન, કર્યો મોટો ખુલાસો

સલમાન ખાન હાલનાં સમયમાં પોતાની અપકમિંગ ફિલ્મ 'ભારત'ને લઇને સતત ચર્ચામાં છે. પોતાની પ્રોફેશનલ લાઇફ સિવાય સલમાન પર્સનલ લાઇફને લઇને ખૂબ ચર્ચામાં રહે છે. સલમાનને પણ સામાન્ય રીતે ઇન્ટરવ્યૂમાં તેઓનાં લગ્નને લઇને વારંવાર સવાલો પૂછવામાં આવે છે. ત્યારે દબંગ ખાનનાં ફેન્સ પણ એ જાણવા તત્પર હોય છે કે આખરે ક્યારે તેમનાં ફેવરિટ સ્ટાર સલમાન લગ્ન કરશે? ત્યારે મળતી માહિતી અનુસાર એક મીડિયા રિપોર્ટ્સ અનુસાર હવે સલમાન ખાનનાં લગ્ન ન કરવા પાછળ એક મોટું કારણ સામે આવ્યું છે.
 

રિપોર્ટ્સ અનુસાર, 'સલમાન ખાન પોતાનાં પરિવારને લઇને ખૂબ પ્રોટેક્ટિવ છે. તેઓ પોતાની ફેમિલીને ખૂબ પ્રેમ કરે છે. જ્યારે પણ તેમને સમય મળે છે ત્યારે તે પોતાનાં પરિવાર સાથે જ સમય વિતાવે છે.' મળતી માહિતી મુજબ આગળ વધુમાં એમ જણાવવામાં આવ્યું કે, 'સલમાન ખાનનાં લગ્નને લઇને ઘણી બધી વાર વાત આગળ વધી. પરંતુ સલમાન પોતાનાં પરિવારથી વધારે મહત્વ ક્યારેય પણ કોઇને ના આપી શક્યાં.' સલમાનનું માનવું એમ છે કે પોતાનાં લાઇફ પાર્ટનરને સમ્માન અને સમય ન આપી શકવો એ ખોટું છે. સલમાનનું એ જ કારણ છે કે તેઓ હજી સુધી લગ્ન નથી કરી શક્યાં.
 

તાજેતરમાં જ એક ઇન્ટરવ્યૂમાં સલમાન ખાને ફિલ્મમાં કિસિંગ અને બોલ્ડ સીન પણ ન આપવાનાં કારણ અંગે ખુલાસો કર્યો હતો. સલમાને જણાવ્યું હતું કે, "સામાન્ય રીતે હું અને મારા પરિવારનાં લોકો એક સાથે ફિલ્મો જોઇએ છીએ. જ્યારે પણ ફિલ્મમાં કિસીંગ સીન આવે છે ત્યારે અમને સૌને કંઇક અજીબ લાગે છે. એવામાં જો તે લોકો મારી જ ફિલ્મ મારી સાથે જોઇ રહ્યાં છે તો તે મને ખૂબ જ અજીબ લાગે છે. જેથી હું કિસિંગ અને બોલ્ડ સીનથી તૌબા તૌબા કરી ગયો છું." તમને જણાવી દઇએ કે સલમાન ખાનની સાથે ફિલ્મ 'ભારત'માં કેટરીના કૈફ, દિશા પાટની, સુનીલ ગ્રોવર અને તબ્બુ પણ મુખ્ય ભૂમિકામાં છે. ફિલ્મને અલી અબ્બાસ જફરે ડાયરેક્ટ કરેલ છે.