FACT CHECK / સલમાન અને આમિરે અલ્લાહુ અકબરનાં નારા લગાવનાર યુવતીને કરોડો રૂપિયા આપ્યા? જાણો હકીકત

• સોશ્યલ મીડિયા પોસ્ટમાં દાવો 
• સલમાન આમિરે હિજાબ ગર્લને આપ્યા કરોડો રૂપિયા 
• જુઓ શું છે હકીકત 

મુસ્કાન ખાનનો વિડીયો વાયરલ 

કર્ણાટકના હિજાબ વિવાદે અત્યારે તો એક રીતે આખા દેશને ઘેરી લીધો છે. હાલમાં જ એક Video Viral થયો હતો જેમાં હિજાબ પહેરેલી એક છોકરી 'અલ્લાહ હુ અકબર'ના નારા લગાવતી જોવા મળી હતી. હવે સોશિયલ મીડિયા પર દાવો કરવામાં આવી રહ્યો છે કે સલમાન ખાન અને આમિર ખાને તે છોકરીને ઈનામ તરીકે કરોડો રૂપિયા આપ્યા છે.

સોશિયલ મીડિયા પર કરવામાં આવ્યો દાવો
દરમિયાન સોશિયલ મીડિયા પર કેટલીક પોસ્ટમાં દાવો કરવામાં આવ્યો હતો કે સલમાન ખાન અને આમિર ખાને મુસ્કાન ખાનને કરોડો રૂપિયા ઈનામ તરીકે આપ્યા છે.

આ સાથે જ પોસ્ટમાં તુર્કીની સરકારે મુસ્કાનને ઈનામ આપવાની વાત પણ કરી છે. આ પોસ્ટ્સમાં સ્પષ્ટ પણે કહેવામાં આવી રહ્યું છે કે સલમાન અને આમિર ખાને મળીને મુસ્કાન ખાનને 3 કરોડ રૂપિયા આપ્યા છે જ્યારે તુર્કી સરકાર તેને 2 કરોડ રૂપિયા આપશે. જો કે VTV ક્યારેય આ પ્રકારના દાવાઓને સમર્થન નથી આપતું. 

સલમાન અને આમિરે આપ્યા કરોડો રૂપિયા???
જો કે એક રિપોર્ટ અનુસાર કેટલાક્ ફેકટચેક બાદ મીડિયાના પોતાના રિસર્ચમાં દાવો કર્યો છે કે સોશિયલ મીડિયા પર ચાલી રહેલા આવા અહેવાલો તદ્દન ખોટા છે. તુર્કી સરકારે આવું કોઈ સત્તાવાર નિવેદન બહાર પાડ્યું નથી, જેમાં કહેવામાં આવ્યું છે કે મુસ્કાન ખાનને ઈનામ આપવામાં આવશે. તે જ સમયે, મુસ્કાનને ઈનામ આપવા માટે સલમાન ખાન અને આમિર ખાન તરફથી કોઈ સત્તાવાર નિવેદન આવ્યું નથી. જ્યારે બંને સ્ટાર્સે હજુ સુધી હિજાબ વિવાદ પર કોઈ ટિપ્પણી કરી નથી.

જાવેદ અખ્તરે કરી હતી નિંદા 
તાજેતરમાં જ જાવેદ અખ્તરે ટ્વિટર પર એક પોસ્ટ શેર કરીને આ ઘટનાની સખત નિંદા કરી હતી. તેમણે લખ્યું હતુ કે, હું ક્યારેય હિજાબ કે બુરખાના પક્ષમાં નથી. હું હજી પણ મારા સ્ટેન્ડ પર ઊભો છું પરંતુ ટોળાની નિંદા કરું છું જેણે છોકરીઓ સામે દાદાગીરી કરવાનો પ્રયાસ કર્યો જે નિષ્ફળ સાબિત ગયો હતો. શું આ તેઓની પૌરૂષ બતાવવાની રીત છે? તેમણે કહ્યું હતું કે આ ખૂબ જ અફસોસની વાત છે.

શું છે સમગ્ર મામલો
થોડા દિવસો પહેલા કર્ણાટકની એક કોલેજમાં વિદ્યાર્થીઓને હિજાબ પહેરવાને કારણે ક્લાસમાં પ્રવેશવા દેવામાં આવ્યો ન હતો, ત્યારબાદ મામલો થોડો વધી ગયો હતો.

આ પછી એક વીડિયો વાયરલ થયો જેમાં એક છોકરી હિજાબ પહેરેલી જોવા મળી રહી છે અને તેની પાછળ છોકરાઓનું એક જૂથ જોવા મળી રહ્યું છે, જેઓ જય શ્રી રામના નારા લગાવવા લાગે છે. તે જ સમયે, છોકરી પણ ચૂપ રહેતી નથી. તે અલ્લાહુ અકબરના નારા લગાવીને જૂથમાં છોકરાને યોગ્ય જવાબ પણ આપે છે.