બારડોલીનો યુવક રિવર્સ ગીયરમાં 301 કિમી ટ્રેક્ટર ચલાવીને સર્જશે વર્લ્ડ રેકોર્ડ

અરવલ્લીઃ કંઇક નોખું કંઇક અનોખુ કરીને ગિનિસ બુકમાં નામ આવે તે ઘણા લોકોનું સપનું હોય છે. આવું એક સપનું પુરૂ કરવા સાગર ઠાકરે સફર શરૂ કરી છે. તેમની આ સફર અનોખી છે કારણે કે તે રિવર્સ ગિયરમાં ટ્રેક્ટર ચલાવે છે. તેઓ 301 કિલોમીટરનું અતંર કાપવાના છે. તેમનો ઉદેશ ખેડૂતોને પ્રોત્સાહન પુરૂ પાડવાનું છે.

મોટે ભાગે કોઇ વ્યક્તિ સીધી સફર કરી રેકોર્ડ સ્થાપવા નિકળતો હોય છે. પણ આ બારડોલીના સાગર ઠાકર રિવર્સ ગેયરમાં ટ્રેક્ટર ચલાવે છે. અરવલ્લી જિલ્લાના મોડાસાથી બારડોલીના સાગરે રિવર્સ ટ્રેક્ટર ચલાવી વિશ્વ રેકોર્ડ સ્થાપિત કરવા તરફ આગળ વધવાની શરૂઆત કરી છે.



22 ઓગસ્ટે 301 કિલોમીટરનું અંતર કાપી બારડોલીમાં વિશ્વ રેકોર્ડ સ્થાપશે. આ રેકોર્ડ માટે GPS સિસ્ટમ વસાવી છે. તેનું ગિનિસ વર્લ્ડ રેકોર્ડમાં રજિસ્ટ્રેશન કરાવ્યું છે. GPS સિસ્ટમથી ગિનિસ બુક વર્લ્ડ રેકોર્ડના અધિકારીઓ 301 કિલો મીટરની ટ્રેક્ટર યાત્રા ઉપર નજર રાખનાર છે.

અગાઉ પણ સાગર ઠાકર જોધપુરથી મુંબઈ સુધી રિવર્સ કાર ચલાવી લાંબી મુસાફરી કરવાનો વિશ્વ વિક્રમ પોતાના નામે કર્યો છે. ઉપરાંત બાઈક ઉપર પણ લિમ્કા બુક ઓફ વર્લ્ડ રેકોર્ડમાં 2 રેકોર્ડ નોંધાવ્યા છે. આ રેકોર્ડ હાલમાં આયર્લેન્ડના પેટ્રિક સાલવીએ 29 માર્ચ 2017માં 21 કિલોમીટર રિવર્સ ટ્રેકટર ચલાવી પોતાના નામે કર્યો હતો. ત્યારે આ રેકોર્ડ ટ્રેકટર રિવર્સ ચલાવી સ્થાપવા પાછળ ખેડૂતોને પ્રોત્સાહિત કરવાનો છે.