કુખ્યાત વિશાલ ગોસ્વામીના ખંડણીના રેકેટનો પર્દાફાશ થયા બાદ પણ સાબરમતી સેન્ટ્રલ જેલ સત્તાધીશોની આંખો ખૂલી નથી. ખંડણીના નેટવર્ક બાદ સુરક્ષા એજન્સીઓ જેલમાં સરપ્રાઇઝ ચેકિંગ વધારી દીધું છે પરંતુ જેલ કર્મચારીઓને કોઇનો ડર ના હોય તે રીતે થોડાક પૈસાની લાલચમાં કેદીઓને મોબાઇલ, તમાકુ, સિગારેટ તેમજ પ્રતિબંધીત ચીજવસ્તુઓની સુવિધાઓ પૂરી પાડી રહ્યા છે.
સાબરમતી સેન્ટ્રલ જેલમાં જે જોઈએ તે મળે છે
તમાકુ, બીડી, સિગારેટ સિવાય પણ મળે છે વસ્તુઓ
સુરક્ષા પ્રશાસની રહેમ નજર
સાબરમતી જેલ કોઈને કોઈ વિવાદમાં સપડાતી રહે છે. છેલ્લા કેટલાક સમયથી જેલમાંથી મોબાઈલ ફોન જે રીતે મળી રહ્યા છે એ જોતાં જેલની સિક્યોરિટી શંકાના દાયરામાં આવી છે. જેલની આ દશા પાછળ પૈસા ફેંકો, તમાશા દેખોનો ખેલ ચાલી રહ્યો હોવાનું ચર્ચાય છે. જેલની અંદર તમાકુ, બીડી અને સિગારેટ પણ પૈસા આપો તો મળી રહે છે. સાબરમતી મધ્યસ્થ જેલમાં નવા બેરક યાર્ડમાં જેલ સહાયક બે કેદીને તમાકુ આપતાં રંગેહાથ ઝડપાયો તો શાંતિનિકેતન યાર્ડની બેરેક નંબર છમાંથી મોબાઈલ ફોન મળી આવ્યો છે.
જેલમાંથી મોબાઈલ ફોન મળવાનો સિલસિલો જારી
જેલમાંથી મોબાઈલ ફોન મળવાનો સિલસિલો જારી રહ્યો છે. મધ્યસ્થ જેલમાં જેલર તરીકે ફરજ બજાવતા મહેશભાઈ દવેએ જેલ સહાયક અને બે કેદીઓ વિરુદ્ધમાં ફરિયાદ રાણીપ પોલીસ સ્ટેશનમાં કરી છે. ગઈ કાલે જેલરને રિપોર્ટ મળ્યો કે બડા ચક્કર યાર્ડમાં પાકા કામના કેદી ઈમામમિયાં સૈયદ બેરક પાસે ફરજ પર હાજર હવાલદાર વિજય વાઢેરાની અટકાયત કરી