લાસ્ટ વોર્નિંગ / આ ગુજરાતી ક્રિકેટરના કરિઅર પર લટકતી તલવાર, હવે જો ન ચાલ્યો તો ટીમમાંથી પત્તું કપાશે એ નક્કી

• પૂર્વ સિલેક્ટરે ચેતેશ્વર પૂજારા માટે વોર્નિગ જાહેર કરી
• પૂજારા એક સીનિયર ખેલાડી છે, તેમણે પર્ફોમન્સ સુધારવુ પડશે
• મને વિશ્વાસ છે કે ભારતીય ટીમ શ્રેણી જીતશે

પૂજારાની કારકિર્દી પર લટકતી તલવાર 

આની પહેલા પૂર્વ સિલેક્ટર શરનદીપ સિંહે ભારતીય ટીમના બેટ્સમેન ચેતેશ્વર પૂજારા માટે વોર્નિગ જાહેર કરી દીધી છે. પૂજારા સેન્ચ્યુરિયન ટેસ્ટમાં 0 અને 16 રન જ બનાવી શક્યા હતા. શરનદીપે કહ્યું કે અમારો બેટીંગ વિભાગ સારું કરી રહ્યો નથી. ફક્ત કેએલ રાહુલ એક એવુ ફેક્ટર છે અને અમે ફક્ત કેએલ અને વિરાટ પર નિર્ભર રહી શકતા નથી. પરંતુ હું અહીં પૂજારા અંગે વાતચીત કરવા માગુ છુ. પૂર્વ ઓફીએ કહ્યું કે જ્યારે ચેતેશ્વર પૂજારાને રન બનાવવાના હશે. કારણકે પહેલી ટેસ્ટમાં સદી બનાવનારા શ્રેયસ ઐયર ટીમમાં સ્થાનની આતુરતાપૂર્વક રાહ જોઈ રહ્યાં છે. પૂજારા એક સિનિયર ખેલાડી છે અને જો તમારું પ્રદર્શન ફ્લોપ રહ્યું તો પૂજારાને એક બેન્ચ પર બેસાડી દેવામાં આવશે.

યજમાન ટીમ શ્રેણી જીતવા માટે રમતી નથી 

શરનદીપે કહ્યું કે ભારતીય ટીમ ખૂબ શાનદાર પ્રદર્શન કરી રહી છે અને મને પૂર્ણ વિશ્વાસ છે કે ટીમ શ્રેણી જીતશે. સ્પષ્ટ જોવા મળી રહ્યું છે કે યજમાન ટીમ રમવા માટે શ્રેણી રમી રહી છે, પરંતુ સીરીઝ જીતવા માટે નહીં. પૂર્વ સિલેક્ટરે કહ્યું કે દક્ષિણ આફ્રિકાની ટીમની બેટીંગ અને બોલિંગ નબળી છે. હવે જ્યારે બીજી ટેસ્ટમાં ક્વિન્ટન ડિ કૉક ટેસ્ટનો ભાગ નહીં હોય તો તેની બેટીંગ સંપૂર્ણ રીતે અસ્ત થઇ જશે.