BIG NEWS / રશિયાનો અત્યાર સુધીનો સૌથી મોટો નિર્ણય : NASA અને ESA સાથે સંબંધ તોડ્યા, વિશ્વ માટે જાણો કેટલો ખતરો

• રશિયાએ NASA અને ESA સાથેના સંબંધો તોડ્યા
• ઈન્ટરનેશનલ સ્પેસ સ્ટેશનમાંથી પણ હટ્યું 
• રશિયાની અંતરિક્ષ એજન્સી રોસકોસમોસના પ્રમુખે કરી જાહેરાત

યુક્રેન સાથે યુદ્ધ લડી રહેલા રશિયાએ અમેરિકા અને યુરોપિયન યુનિયનને એક મોટો ઝટકો આપ્યો છે.રશિયા અને યુરોપિયન યુનિયનના પ્રતિબંધો બાદ હવે રશિયાએ પણ મોટો વાર કર્યો છે. રશિયાએ આંતરરાષ્ટ્રીય અંતરિક્ષ સ્ટેશનની સાથે તેનો સહયોગ પૂરો કરવાની જાહેરાત કરી દીધી છે. રશિયાની અવકાશ એજન્સી રોસકોસમોસના પ્રમુખ દિમિત્રી રોગોજિને આ જાહેરાત કરતા જણાવ્યું કે રશિયા હવેથી  અમેરિકી અવકાશ એજન્સી નાસા અને યુરોપીય અંતરિક્ષ એજન્સી સાથે મળીને કામ નહીં કરે. તેમણે કહ્યું કે રશિયા ઈન્ટરનેશનલ સ્પેસ સ્ટેશનમાંથી પણ હટી જશે. 

NASA અને ESA સાથેના સંબંધો તોડવાને કારણે દુનિયા માટે મોટો ખતરો 

નાસા અને યુરોપિયન સ્પેસ એજન્સી સાથે સંબંધો તોડવાની રશિયાની જાહેરાત બાદ ઈન્ટરનેશનલ સ્પેસ સ્ટેશન પર મોટો ખતરો સર્જાયો છે કારણ કે હાલમાં રશિયાની મદદથી ઈન્ટરનેશનલ સ્પેસ સ્ટેશન ચાલી રહ્યું છે અને હવે તેની પર મોટો ખતરો સર્જાયો છે. રશિયન સ્પેસ એજન્સીના વડા દિમિત્રી રોગોજિને અમેરિકા અને યુરોપીયન દેશોને ચેતવણી આપી હતી કે મોસ્કો પર લગાડાઈ રહેલા આર્થિક પ્રતિબંધો આંતરરાષ્ટ્રીય અંતરિક્ષ સ્ટેશન પર કામ કરવામાં વિપેક્ષ પડી શકે છે અને તેને કારણે તેના સમુદ્રમાં અથવા જમીન પર તૂટી પડવાનો ખતરો મંડરાઈ રહ્યો છે. 

ઈન્ટરનેશનલ સ્પેસ સ્ટેશનમાં રશિયાની ભૂમિકા નિર્ણાયક

ઈન્ટરનેશનલ સ્પેસ સ્ટેશનમાં રશિયાની ભૂમિકા નિર્ણાયક છે. કારણ કે આઇએસએસ હાલમાં ઘણા અવકાશયાત્રીઓનું ઘર છે, અને તેને પૃથ્વી પર પાછા પડતા અટકાવવા માટે તેની ભ્રમણકક્ષા સતત આગળ વધતી રહે તે જરૂરી છે. તમારી જાણકારી માટે જણાવી દઈએ કે રશિયાની અંતરિક્ષ એજન્સીના વડા દમિત્રી રોગોજિને થોડા દિવસ પહેલા અમેરિકા અને યૂરોપીય દેશોને ચેતવણી આપી હતી કે મોસ્કો પર લગાવવામાં આવી રહેલા આર્થિક પ્રતિબંધોથી આંતરરાષ્ટ્રીય અંતરિક્ષ સ્ટેશનનું કામ ખોરવાઈ શકે છે અને તે "સમુદ્રમાં કે જમીન પર પડી જવાનો" ભય છે.

પશ્ચિમી દેશોના પ્રતિબંધો બાદ રશિયાની મોટી જાહેરાત 
તેમણે કહ્યું કે રશિયન સ્પેસ એજન્સી રોસકોસમોસની સાથે મળીને નાસા અને યુરોપીય અંતરિક્ષ એજન્સી જે પ્રોજેક્ટ પર કામ કરી રહ્યાં હતા તેને પૂરા કરવાની સમય સારણી રશિયાને સોંપી દેવામાં આવશે. ઉલ્લેખનીય છે કે અમેરિકાની નાસા અને યુરોપીય અંતરિક્ષ એજન્સી અત્યાર સુધી તો સાથે મળીને કામ કરી રહ્યાં હતા. યુક્રેન યુદ્ધને કારણે આ પ્રોજેક્ટ રદ કરી દેવાયો છે. 

ઈન્ટરનેશનલ સ્પેસ સ્ટેશન ઘણા અંતરિક્ષ પ્રવાસીઓનું ઘર 

ઈન્ટરનેશનલ સ્પેસ સ્ટેશન હાલમાં સૌથી મહત્વપૂર્ણ સ્પેસ મિશન છે. કારણ કે હાલમાં આઈએસએસ ઘણા અંતરિક્ષ પ્રવાસીઓનું ઘર છે અને તેને પૃથ્વી પર તૂટી પડતું અટકાવવા માટે તેને સતત ચાલતું રાખવું ઘણું જરુરી છે.