ગુજરાત સહિત દેશભરમાં આજરોજ સરદાર પટેલ જન્મજયંતિની ઉજણી કરવામાં આવી રહી છે. ત્યારે દેશભરમાં આજે રન ફોર યૂનિટીનું આયોજન કરવામાં આવ્યું છે. જેને લઇને અમદાવાદ ખાતે શાહીબાગ પોલીસ સ્ટેડિયમમાં પણ રન ફોર યૂનિટીનું આયોજન કરવામાં આવ્યું છે.
અમદાવાદ શાહીબાગ પોલીસ સ્ટેડિયમમાં એકતા દિનની ઉજવણી કરવામાં આવી છે. મુખ્યમંત્રી વિજય રૂપાણીની ઉપસ્થિતિમાં રન ફોર યૂનિટીનું આયોજન કરાયું છે. જે શાહીબાગ પોલીસ સ્ટેડિયમથી રિવરફ્રન્ટ સરદાર પટેલ સ્મારક સુધી રન ફોર યૂનિટીનું આયોજન કરાયું છે.
સરદાર પટેલના જન્મ દિવસે રાષ્ટ્રીય એકતાની દેશભરમાં ઉજવણી થઈ રહી છે. ત્યારે વડોદરામાં રન ફોર યુનિટીનું આયોજન કરાયું છે. રન ફોર યુનિટીમાં હજારો દોડવીરોએ ભાગ લીધો. સયાજી બાગથી શરૂ રહેલી રન ફોર યુનિટીમાં દિવ્યાંગોએ પણ ભાગ લીધો હતો.
ગાંધીનગરમાં સરદાર પટેલ જન્મજયંતીની ઉજવણી કરવામાં આવી. જ્યાં રન ફોર યૂનિટી મારફતે ઉજવણી કરવામાં આવી છે. જ્યાં ભાજપ પ્રદેશ પ્રમુખ જીતુ વાઘાણી હાજર રહ્યાં. ગાંધીનગરમાં વિસ્ટા ગાર્ડનથી અખબર ભવન સુદી યુનિટીનું આયોજન કરાયું છે. આ એકતા યાત્રામાં CISF, પોલીસ અને SRP જવાનો જોડાયા હતા.