ગુજરાતમાં વાહન વ્યવહાર વિભાગમાં RTOની કામગીરી સાથે સંકળાયેલા વર્ગ-2ના કુલ 8 જેટલા અધિકારીઓની બદલીનો પત્ર જાહેર
RTOમાં કાર્યરત વર્ગ-2ના અધિકારીઓની ટ્રાન્સફર
8 અધિકારીઓની જુદા-જુદા જિલ્લામાં કરાઈ બદલી
અમદાવાદ, ગાંધીનગર, આણંદ સહિતના જિલ્લામાં થઈ બદલી
ગુજરાત સરકારના વાહન વ્યવહાર વિભાગ દ્વારા કેટલીક બદલી કરવામાં આવી છે. સહાયક પ્રાદેશિક વાહન વ્યવહાર અધિકારી વર્ગ-2 હેઠળ કાર્યરત કર્મીઓની બદલી કરાઈ છે. જેમાં હાલ આણંદ, ગાંધીનગર, અમદાવાદ વસ્ત્રાલ, બાવળા અને સુરત જિલ્લામાં ફરજ પરના 5 અધિકારીઓની બદલી કરવામાં આવી છે. મોટાભાગની બદલી RTO કચેરીના કર્મચારી સાથે સંકળાયેલી છે.
તો આ સાથે મોટર વાહન નિરીક્ષક તરીકે વર્ગ-2ના કુલ-3 અધિકારીઓની પણ બદલી કરાઈ છે. જેમાં ડી.બી વણકર જેઓ હાલ ARTO કચેરી બોટાદ ખાતે કાર્યરત છે. જેમને બદલી આપીને ARTO કચેરી બાવળા ખાતે પોસ્ટિંગ અપાયું છે. આ સાથે જે.એસ ઝાલાની ARTO પાટણમાંથી ARTO ગાંધીનગર ખાતે બદલી કરાઈ છે. જેમી સાથે ત્રીજા અધિકારી એ.આર યાદવને વાહન વ્યવહાર કમિશનરની કચેરી ગાંધીનગરથી બદલી ARTO બારડોલીમાં ફરજ પર મુકવામાં આવ્યા છે.
જે અધિકારીઓની જગ્યા ખાલી પડી છે. તેમના સ્થાન પર પણ નવા અધિકારીઓની નિમણૂક અંગે પણ આ પત્રમાં ઉલ્લેખ કરી દેવાયો છે. જેમાં નિમિષા પંચાલ વર્ગ-2ના અધિકારીની ભાવનગર ખાતે બદલી થતા તેમની જૂની જગ્યા આણંદનો હવાલો વર્ગ-2ના અધિકારી આર.પી દાણીને ફરજ ઉપરાંત વધારાનો હવાલો સોંપવામાં આવ્યો છે.