વોટ્સએપ ગૃપના સ્ક્રીન શોટ સોશિયલ મીડિયામાં વાયરલ થયા
ત્રણ અલગ અલગ ભાષાઓમાં ધમકીઓ આપવામાં આવી છે
લખનૌ સિવાય RSSની પાંચ ઓફિસોને બોમ્બથી ઉડાવી દેવાની ધમકી
લખનૌ પોલીસે જણાવ્યું કે, સોમવારે રાત્રે એક વોટ્સએપ ગૃપ દ્વારા લખનૌ સિવાય RSSની પાંચ ઓફિસોને બોમ્બથી ઉડાવી દેવાની ધમકી આપવામાં આવી હતી. જેમાં યુપીમાં બે અને કર્ણાટકમાં ચાર ઓફિસનો સમાવેશ થાય છે. આ વોટ્સએપ ગૃપના સ્ક્રીન શોટ વાયરલ થઈ રહ્યાં છે. જેમાં હિન્દી, અંગ્રેજી અને કન્નડ એમ ત્રણ અલગ અલગ ભાષાઓમાં ધમકીઓ આપવામાં આવી છે. પોલીસે કહ્યું કે જે લોકોએ વ્હોટ્સએપ ગૃપ દ્વારા લોકોને ધમકી આપી હતી. તેમને શોધી કાઢવામાં આવી રહ્યા છે. ટૂંક સમયમાં આરોપીઓની ધરપકડ કરવામાં આવશે
ઉલ્લેખનીય છે કે, બોમ્બની ધમકીનો મામલો ત્યારે સામે આવ્યો જ્યારે એક RSS કાર્યકર આમંત્રણ લિંક દ્વારા અલ ઈમામ અંસાર રાજેઉન મહેંદી નામના વોટ્સએપ ગૃપમાં જોડાયો. કહેવામાં આવી રહ્યું છે કે આ ગૃપની લિંક ઘણા ગૃપમાં શેર કરવામાં આવી રહી છે. જેના કારણે RSSના કાર્યકરોએ તેને ખોલીને તેમાં જોડાયા હતાં.ત્યારબાદ RSS કાર્યકર્તાઓએ ઓફિસોમાં બોમ્બ ફોડવાની ચર્ચા જોઈ તો તેના હોશ ઉડી ગયા હતાં. જે બાદ આ મામલો પોલીસ સ્ટેશને પહોંચ્યો
મડિયાનવ પોલીસ સ્ટેશનમાં FIR નોંધાઈ
આ મેસેજની માહિતી પર પોલીસ લખનૌના અલીગંજ સેક્ટર ક્યૂ સ્થિત સરસ્વતી વિદ્યા મંદિર પહોંચી હતી. અહીં RSSના અવધ પ્રાંતના ઘોષ વડા પ્રોફેસર નીલકંઠ તિવારીની ફરિયાદ પર મજિયાનવ પોલીસ સ્ટેશનમાં એફઆઈઆર દાખલ કરવામાં આવી હતી. મડિયાનવ પોલીસે જણાવ્યું હતું કે, આ મામલામાં કલમ 507 અને આઈટી એક્ટ 66 હેઠળ કેસ નોઁધવામાં આવ્યો છે.
ત્રણ અલગ અલગ ભાષાઓમાં ધમકીઓ અપાઈ
તમને જણાવી દઈએ કે, અલ અન્સારી ઈમામ રાઝી ઉન મહેંદી નામના વોટ્સએપ ગૃપમાં ત્રણ અલગ અલગ ભાષાઓ કન્નડ, હિન્દી અને અંગ્રેજીમાં ધમકીભર્યા મેસેજ મોકલવમાં આવ્યા હતાં. હિન્દીમાં લખ્યું છે કે, નવાબગંજ ઉત્તર પ્રદેશ 271304. તમારી છ પાર્ટી ઓફિસ પર 8 વાગ્યા બાદ બોમ્બથી હુમલો કરવામાં આવશે.