હાલમાં યુજવેન્દ્ર ચહલ પોતાના ટેટૂને લઈને સોશિયલ મીડિયામાં ખુબ ચર્ચામાં છે. બધા ચહલના આ ટેટૂની ચર્ચા કરી રહ્યા છે ત્યારે લોકપ્રિય બેટ્સમેન રોહિત શર્માએ પણ સોશિયલ મીડિયામાં ચહલની તસવીર શેર કરીને મજાક ઉડાવી છે. જે બાદ રોહિતની આ પોસ્ટ ખુબ ચર્ચાનો વિષય બની હતી.
રોહિતે ચહલ અને ધ રોકની તસવીર કરી શેર
ભારતે સીરીઝ જીતી પણ ચર્ચામાં તો કોઈ બીજું જ છે : રોહિત
ભારતીય ટીમનાં સ્પીન બોલર યુજવેન્દ્ર ચહલે 'ધ રોક' ટેટૂ બનાવેલો છે. ટેટૂ બનાવ્યા બાદ તેમની તસવીર સોશિયલ મીડિયામાં વાયરલ થઇ રહી છે. એવામાં ભારતનાં દિગ્ગજ ખેલાડી રોહિત શર્માએ ફોટો શેર કરીને મજાક ઉડાવી છે. ફોટો શેર કરીને યુજવેન્દ્રને ટ્રોલ કરવાનો પણ પ્રયત્ન કર્યો છે. પણ ચહલે તેઓ ખુબ રમુજી જવાબ આપ્યો છે.
રોહિત શર્માએ પોતાના ટ્વીટર એકાઉન્ટથી WWEના રેસલર અને હોલીવૂડ એક્ટર ડ્વેન જોન્સન એટલે કે ધ રોકની સાથે યુજવેન્દ્રની એક તસવીર શેર કરી. બંનેની શર્ટલેસ ફોટોમાં ટેટૂ દેખાય છે. નોંધનીય છે કે ડ્વેન જોન્સનનું રીંગ નેમ 'ધ રોક' છે.
રોહિત શર્માએ યુજવેન્દ્ર ચહલને ટેગ કરીને લખ્યું કે 'આજે મેં શાનદાર તસવીર જોઈ. ભારતે સીરીઝ જોઈ અને ચર્ચામાં તો કોઈ બીજું જ છે. વાહ વાહ!'રોહિતનાં આ ટ્વીટ બાદ યુજવેન્દ્ર ચહલ પણ મસ્તીના મૂડમાં જોવા મળ્યા. તેમણે જવાબ આપતાં કહ્યું કે 'ધ રોક અને તે સાથે તેમણે ઘણા બધા ઈમોજી પણ મુક્યા.
ઉલ્લેખનીય છે કે ભારતીય ટીમ ઓસ્ટ્રેલિયા સામે પહેલી મેચ હાર્યા બાદ 2-1થી સીરીઝ જીતી છે. જે બાદ ટીમ ન્યૂઝીલેન્ડનાં પ્રવાસ પર છે જ્યાં T20 અને વનડે સીરીઝ થવાની છે.