WC 2019 / સચિનનો ICCને મજેદાર જવાબઃ હેડ્સ હું જીત્યો, ટેલ્સ તમે હાર્યા

રોહિતના એ છગ્ગાએ ICCને સચિન તેંડુલકરના એક બહુ જ ખાસ છગ્ગાની યાદ અપાવી દીધી.

સચિનનો એ છગ્ગો આજે પણ કરોડો ભારતીયોને રોમાંચિત કરી મૂકે છે, જે સચિને વર્ષ 2003માં સાઉથ આફ્રિકામાં રમાયેલા વિશ્વકપમાં પાકિસ્તાની ફાસ્ટ બોલર શોએબ અખ્તરની બોલિંગમાં ફટકાર્યો હતો. રોહિતે પણ લગભગ એ જ અંદાજમાં હસન અલીની બોલિંગમાં છગ્ગો ફટકાર્યો. એ જ કારણ છે કે ICCએ પોતાના ટ્વિટર એકાઉન્ટ પર રોહિત અને સચિનના છગ્ગાનો વીડિયો પોસ્ટ કરીને સવાલ કર્યો, ''કયો છગ્ગો વધુ સારો છે?'' ICCનો એ સવાલ વાઇરલ થઈ ગયો અને જ્યારે એ સવાલ સચિન સુધી પહોંચ્યો ત્યારે તેણે બહુ જ મજેદાર જવાબ આપ્યો.

Sachin in 2003 or Rohit in 2019 – who did it better? pic.twitter.com/M9k8z5lLQd

— ICC (@ICC) June 16, 2019

સચિને ICCના એ સવાલના જવાબમાં કહ્યું, ''અમે બંને ભારતના છીએ અને એમાંય એક જ શહેર મુંબઈના છીએ. આ સ્થિતિમાં હેડ્સ આવે તો મેં જીત્યો અને ટેલ્સ આવે તો તમે હાર્યા.'' સચિને પોતાના મજાકિયા અંદાજમાં જવાબ આપતાં ICCને જણાવી દીધું કે બંને મામલામાં જીત ભારતની જ છે.

We both are from INDIA and in this case, AAMCHI MUMBAI as well....So heads I win, tails you lose! 😜 https://t.co/doUMk1QU2b

— Sachin Tendulkar (@sachin_rt) June 17, 2019

જોકે રોહિતની સામે હસન અલી હતો અને સચીનની સામે એ સમયનો દુનિયાનો ખતરનાક ફાસ્ટર શોએબ અખ્તર હતો. આ બાબત જોતાં ભારતીયો જ નહીં, દુનિયાભરના ક્રિકેટ પ્રેમીઓ માટે 
એ અનુમાન લગાવવું બિલકુલ મુશ્કેલ નથી કે કોનો છગ્ગો વધુ શાનદાર હતો.