રોહનપ્રીત સિંહ અને નેહા કક્કડ એન્ટરટેનમેન્ટ ઈન્ડસ્ટ્રીમાં સૌથી ક્યૂટ કપલ્સમાંથી એક છે. તેમની જોડી જ્યાં પણ દેખાય છે ત્યાં લોકોનું ધ્યાન આકર્ષિત કરે છે. આ કપલ જેટલું ક્યૂટ છે તેમની લવ સ્ટોરી પણ એટલી જ ક્યૂટ છે. આ બંનેની લવ સ્ટોરીમાં એક બીજાને મનાવવાથી લઈને પ્રેમનો ખાસ એહસાસ પણ છે. આ બંનેની જોડી આજે ખૂબ જ ઓછાં સમયમાં લોકોની ફેવરિટ બની ગઈ છે.
રોહનપ્રીત સિંહ અને નેહા કક્કડ સૌથી ક્યૂટ કપલ્સમાંથી એક છે
તેમની જોડી જ્યાં પણ દેખાય છે ત્યાં લોકોનું ધ્યાન આકર્ષિત કરે છે
જૂના સંબંધોએ નેહાને બદલી દીધી
જૂના સંબંધોએ નેહાને બદલી દીધી
રોહનપ્રીત અને નેહા કક્કડ શૂટિંગ દરમિયાન એક બીજાને મળ્યા હતા. તેમની વચ્ચેનું એટ્રેક્શન ઇન્સ્ટન્ટ હતું. આ કપલની લવ સ્ટોરી ખૂબ જ ઝડપથી આગળ વધી રહી હતી. એ તો બધાં જ જાણે છે કે નેહાનું આ પહેલાનું બ્રેકઅપ એટલું આઘાતજનક રહ્યું હતું કે આ તેના કારણે હમેશાં હસતી રહેતી સિંગર ડિપ્રેશનનો શિકાર થઈ હતી. આ અનુભવ થયા બાદ નેહા એવા કોઈ સંબંધમાં આગળ વધવા માંગતી નહોતી જેમાં છેલ્લું સ્ટોપ લગ્ન ન હોય.
મોટાભાગે એવું જ જોવા મળે છે કે જૂના સંબંધો અને દિલ તૂટવાનો અનુભવ વ્યક્તિને પૂરી રીતે બદલીને રાખી દે છે. તેમનો સંબંધોને જોવાનો દ્રષ્ટિકોણ બદલાઈ જાય છે. એવામાં નેહાનો આ કેસ અનોખો નહીં પરંતુ ખૂબ જ કોમન હતો. તે રિલેશનમાં પોતાનું 100 ટકા આપવા છતાં દિલ તૂટવાના અનુભવને લઈને થાકી ચૂકી હતી. એવામાં તેણે માઇન્ડ મેકઅપ કરી લીધું હતું કે હવે તેણે આગળ વધવું છે તો એવા સંબંધમાં જેમાં લગ્ન જ ફાઈનલ ડેસ્ટિનેશન હોય.
ઉંમરમાં નાની હોવાથી રોહનપ્રીત અચકાયો
નેહા કક્કડ 30 પાર કરી ચૂકી છે અને રોહનપ્રીત 26 વર્ષનો છે. જ્યારે તેમના લગ્નની વાત કરવામાં આવી ત્યારે તે 25 વર્ષનો હતો. નેહા લગ્ન ઇચ્છતી હતી. તો રોહનપ્રીત તેના માટે રાજી નહોતો. તેનું કહેવું હતું કે પોતે લગ્ન માટે હજુ બહુ નાનો છે. તેથી એટલું તો સ્પષ્ટ હતું કે બંને આ પોઇન્ટને લઈને અલગ અલગ વિચાર ધરાવતા હતા. એવામાં નેહાએ સ્ટેન્ડ લઈ લીધું અને તેને રોહનપ્રીત સાથે વાત કરવાનું જ બંધ કરી દીધું.
રોહનપ્રીતનું લગ્નની વાત પર રિએક્શન એવું હતું કે જેનાથી દરેક યંગ વ્યક્તિ પોતાને રિલેટ કરી શકે છે. 25 એક એવી ઉંમર હોય છે જેમાં વ્યક્તિ એક રીતે સ્ટેબલ બનવાની શરૂઆત કરે છે. કરિયર અને જીવનને લઈને અનેક સપના અને પ્લાન હોય છે. તે સંબંધમાં પણ આવે છે પરંતુ તેની પ્રાયોરિટી લગ્ન નથી હોતી. જ્યારે માનસિક રીતે તૈયાર થઈ જાય ત્યારે જ લગ્ન જેવું મોટું પગલું ભરવા માટે આગળ વધે છે. એવામાં રોહનપ્રીતનું ન માનવું સામાન્ય વાત હતી.
પછી આ રીતે બની વાત
નેહા કક્કડે જણાવ્યું હતું કે બંને વચ્ચે વાતચીત બંધ થઈ ગઈ હતી. પરંતુ જ્યારે તે શૂટિંગ માટે ચંડીગઢ પહોંચી ત્યારે રોહનપ્રીત તેને લગ્ન માટે એમ કહેતા પ્રોપઝ કર્યું કે પોતે તેના વગર રહી શકતો નથી. જે બાદ બંનેએ પોતાના પરિવારને આ અંગે જણાવ્યું અને પરમિશન લીધી. કોઈએ પણ આ બાબતે વિરોધ કર્યો નહતો.