ખુલાસો / માહી સર કહીને બોલાવું કે ભાઈ? ટીમ ઇન્ડિયાનાં સિનિયર ખેલાડીએ પૂછી લીધું, ધોનીએ જુઓ શું જવાબ આપ્યો

• ‘માહી ભાઈ કહુું કે માહી સર, શું કહીને બોલાવુ’
• ધોનીએ આ ખેલાડીની મૂૂંઝવણ કરી હતી દૂર
• ચેન્નઈ ટીમના આ ખેલાડીએ કર્યો ખુલાસો

ધોનીએ આ ખેલાડીની મૂૂંઝવણ કરી હતી દૂર 

15 ઓગષ્ટ 2020ના રોજ આંતરરાષ્ટ્રીય ક્રિકેટમાંથી સંન્યાસ લેનારા ધોની હવે માત્ર IPLમાં ચેન્નઈ સુપર કિંગ્સની કેપ્ટનશિપ કરી રહ્યાં છે. ચેન્નઈ ટીમમાં લગભગ બધા ખેલાડીઓ જૂનિયર છે. એવામાં બધા ધોનીને માહી ભાઈ અથવા માહી સર કહીને બોલાવે છે. આ ખુલાસો ધોનીની કેપ્ટનશિપમાં 2007 ટી-20 વર્લ્ડ કપ રમી ચૂકેલા રોબિન ઉથપ્પાએ કર્યો છે. ઉથપ્પાને આની પહેલાની સિઝનમાં ચેન્નઈ ટીમે ખરીદ્યો હતો.

રોબિન ઉથપ્પાએ કર્યો ખુલાસો 

એવામાં ઉથપ્પા 13-14 વર્ષ બાદ ફરી ધોની સાથે એક ટીમમાં રમતા દેખાયા હતા. જેને લઇને ઉથપ્પાએ ક્રિકચેટ પર વાત કરતા થોડા ખુલાસા કર્યા છે. ઉથપ્પાએ જણાવ્યું કે ચેન્નઈ ટીમમાં બધા ધોનીને માહી ભાઈ અથવા માહી સર કહીને બોલાવતા હતા. પરંતુ મને મૂંઝવણ હતી કે હું ધોનીને કયા નામથી બોલાવુ ત્યારે ધોનીએ જ મારી આ સમસ્યા દૂર કરી. 

ટીમમાં ઉથપ્પા એકલા ધોનીને માહી કહી રહ્યાં હતા 

ઉથપ્પાએ કહ્યું, હું જ્યારે ચેન્નઈ ટીમમાં સિલેક્ટ થયો ત્યારે માહીની સાથે લગભગ 13-14 વર્ષ બાદ રમ્યો હતો. ટીમમાં બધા ધોનીને માહી ભાઈ અથવા માહી સર કહી રહ્યાં હતા. મને થોડી મૂૂંજવણ હતી. એક દિવસ હું ધોનીની પાસે ગયો અને પૂછ્યુ કે હું તેમને માહી કહૂ અથવા પછી માહી ભાઈ?

ઓપનર ઉથપ્પાએ વધુમાં કહ્યું, ધોનીએ તેમને કહ્યું કે આ બધામાં ના પડશો. જે પણ તમને યોગ્ય લાગે તેમ તમે કહો. તેમણે મને કહ્યું કે હું બિલ્કુલ બદલાયો નથી. તેઓ હજી પણ તેવા જ છે, જેવા પહેલા હતા. આ રીતે ટીમમાં માત્ર હું એકલો હતો. જે ધોનીને માહી કહી રહ્યો હતો.