ભારતના ઉત્તરી રાજ્યોમાં જળબંબાકાર નદીઓ ગાંડીતૂર બની લાગી વહેવા

ઉત્તરાખંડના પહાડી વિસ્તારોમાં ભારે વરસાદના પગલે નિચાણ વાળા વિસ્તારોમાં ભારે તબાહીનો માહોલ જોવા મળી રહ્યો છે. ભારે વરસાદના કારણે નીચાણ વાળા વિસ્તારોમાં પુરના પાણી ફરી વળ્યા છે. તો અનેક જગ્યાઓ પર પુરમાં વાહનો પણ તણાયા હતા.

જ્યારે કેટલાક વિસ્તારોમાં ઘરોમાં પાણી ઘૂસી જતા ભારે નુકસાની પહોંચી છે. મકાનો પાણમાં ડૂબી ગયા છે. તો ક્યાંક ધરાસાઈ પણ થયા છે. મહત્વનું છે કે લોકો પણ આ અણધારી આફતથી અજાણ હતા. લોકોને ખબર ન હતી કે દહેરાદૂનમાં જે પ્રમાણે વરસાદ પડી રહ્યો છે. તેનાથી પણ વધુ વરસાદ પહાડી વિસ્તારોમાં પડી રહ્યો છે. ભારે વરસાદના કારણે આ વિસ્તારની નદીઓ જાણે ગાંડી તૂર બની હતી. જોકે હજૂ સુધી કોઈ જાનમાલનું નુકસાન થયું નથી.
 

#AssamFloods: Visuals from Assam's Hailakandi. More than 25 people have died in the state due to flooding till now pic.twitter.com/oLrex1cB7I

— ANI (@ANI) June 22 2018

ઉલ્લેખનીય છે કે દેશમાં વિધિવત રીતે ચોમાસાની શરૂઆત થઇ ચૂકી છે ત્યારે ઉત્તરાખંડ અને આસામના અનેક પ્રદેશોમાં મેઘમહેર જોવા મળી હતી. ભારે વરસાદને પગલે ઠેર-ઠેર પાણી ફરી વળ્યા હતા. વધારે પ્રમાણમાં વરસાદ પડવાને કારણે નીચાણવાળા વિસ્તારમાં રહેતા લોકોના ઘરમાં પાણી ભરાઇ ગયા હતા અને તાત્કાલિક અસરથી સ્થળાંતરણ કરવાની ફરજ પડી હતી. 

ખાસ કરીને અસમના કેટલાક વિસ્તારોમાં તો પૂરની સ્થિતી સર્જાઇ હતી નદીઓ ગાંડીતૂર બનીને વહી રહી છે અને નીચાણવાળા વિસ્તારોમાં પાણી ભરાઇ જતા સ્થાનિક NDRF દ્વારા રાહત કામગીરી હાથ ધરવામાં આવી હતી. વધારે પ્રમાણમાં વરસાદ પડવાને કારણે સ્થાવર સંપત્તિને મોટા પાયે નુકસાન થયું હતું. 
 

Rispana river in Dehradun overflows after heavy rain in upper areas of #Uttarakhand several parked vehicles swept away. pic.twitter.com/uWlyovj08r

— ANI (@ANI) June 22 2018

આપને જણાવી દઇએ કે ઉત્તર ભારતના કેટલાક રાજ્યોમાં મેઘ મહેર છે તો ગુજરાતમાં હજૂ સુધી નૈઋુત્યનું ચોમાસું સક્રિય નહીં થતાં પ્રજા અને ખાસ કરીને ખેડૂતો પરેશાન થઇ ઉઠ્યા છે. ગરમીનું પ્રમાણમાં વધારે પ્રમાણમાં હોવાથી લોકો વ્યાકુળ થઇ ઉઠ્યા છે.જ્યારે ઉત્તરના રાજ્યોમાં મેઘ મહેર જોવા મળી હતી.