અમદાવાદમાં લોકોને ઈંધણ મોંઘું પડતાં હવે AMTS-BRTSનો અવરજવર માટે ઉપયોગ કરી રહ્યા છે જેના લીધી બંને ટ્રાન્સપોર્ટેની આવકમાં મોટો વધારો થયો છે
મોંઘવારીએ કરાવ્યો AMCને ફાયદો
AMTS-BRTSની આવકમાં નોંધાયો વધારો
પર્સનલ વ્હીકલ મૂકાયા નેવે
રાજ્યમાં એક તરફ મોંધવારી કુદકે ને ભુસકે વધી રહી છે. તો બીજી તરફ પેટ્રોલ-ડિઝલના ભાવ પણ આસમાને પહોંચ્યા છે.પેટ્રોલ ડિઝલના ભાવ વધતા મધ્યમ વર્ગના લોકોના બજેટ ખોરવાઈ ગયા છે.ત્યારે આ બજેટને બેલેન્સ કરવા હવે અમદાવાદીઓ પબ્લિક ટ્રાન્સપોર્ટેશન તરફ વળ્યા છે.આથી AMTS અને BRTSમાં મુસાફરોની સંખ્યામાં વધારો નોંધાયો છે.
AMTSની આવકમાં 67 ટકાનો વધારો જ્યારે BRTSની આવકમાં 42 ટકાનો વધારો
લોકો પોતાના વ્હિકલ મૂકી હવે AMTS અને BRTSમાં ઓફિસ કે અન્ય સ્થળ પર જવા મુસાફરી કરી રહ્યા છે. આમ, પેટ્રોલ-ડિઝલના વધતા ભાવે મધ્યમ વર્ગના લોકોની કમરતોડી નાંખી છે.પરંતુ આનાથી AMTS અને BRTSની આવકમાં વધારો નોંધાયો છે. અમદાવાદ મ્યુનિસિપલ કોર્પોરેશના સ્ટેન્ડિંગ કમિટીના ચેરમેનના જણાવ્યા પ્રમાણે જાન્યુઆરીમાં AMTSની આવક 5 કરોડ 22 લાખ હતી.પરંતુ મુસાફરોની સંખ્યામાં 67 ટકાનો વધારો નોંધાતા માર્ચ મહિનામાં 7 કરોડ 31 લાખ આવક થઈ છે.જ્યારે BRTSમાં જાન્યુઆરીમાં 1 લાખ 8 હજાર મુસાફરો હતા. જે વધીને માર્ચ મહિનામાં 1 લાખ 58 હજારએ મુસાફરોનો આંકડો પહોંચ્યો છે. જેના કારણે BRTSની આવકમાં 42 ટકાનો વધારો થયો છે.
મોંઘવારીએ લોકોને કર્યા મજબૂર
અમદાવાદમાં નરોડા થી બોપલ સુધી બસો ચાલે છે જેના કારણે એક છેડે થી બીજે છેડે જવા માટે લોકોને સાધનમાં રૂ 60થી પણ વધુનું પેટ્રોલ વપરાય છે પરંતુ બસમાં મુસાફરી કરવાથી તેઓ 20 રૂમાં પહોંચી જાય છે. તેમાં પણ ઉનાળો હોવાથી લોકો બસ સેવા વધુ પંસદ કરી રહ્યા છે. મોંઘવારીએ મધ્યમ વર્ગના લોકો ન કમર તોડી છે ત્યારે હવે લોકો બજેટ મેન્ટેઇન કરવા સાધન મૂકી પબ્લિક ટ્રાન્સપોર્ટનો ઉપયોગ કરી રહ્યા છે જેને કારણે ખોટ ખાઈ રહેલી એએમટીએસને પણ ધરખમ આવક થઇ રહી છે.