Viral Video / રાહુલ અને પંત એક જ સ્ટેન્ડ પર થઈ ગયા ભેગા, રનઆઉટથી તો માંડ માંડ બચ્યો પણ મેચ ન બચાવી શક્યો

• દક્ષિણ આફ્રિકા સામેની બીજી વન-ડે માં ભારતનો પરાજય 
• રાહુલને મળ્યા ત્રણ જીવનદાન 
• રાહુલ અને પન્ત એક જ સ્ટેન્ડ પર આવી ગયા 

ટીમ ઈન્ડિયા (Team India) એ દક્ષિણ આફ્રિકા સામે ત્રણ મેચોની વનડે સિરીઝના બીજા મુકાબલામાં 7 વિકેટથી હારનો સામનો કરવો પડ્યો હતો. આ સાથે ભારતીય ટીમે વનડે બાદ ટેસ્ટ સિરીઝ પણ ગુમાવી દીધી છે. ભારતને પ્રથમ વનડેમાં આફ્રિકાએ 31 રનથી પરાજય આપ્યો હતો. હવે સિરીઝની બીજી મેચમાં પણ ભારતનો પરાજય થયો હતો. રાહુલ લકી પણ ટીમ અનલકી ઈન્ડિયન ટીમના કેપ્ટન કે.એલ.રાહુલને બીજી વનડે મેચમાં ભાગ્યનો મોટો સાથ મળહ્યો હતો. ઉલ્લેખનીય છે કે આ નિર્ણાયક મેચમાં આફ્રિકન ફિલ્ડર્સે રાહુલના 2 કેચ છોડ્યા અને એક રનઆઉટની સરળ તક પણ ગુમાવી હતી. તેવામાં એક સમય તો એવો આવ્યો હતો કે જ્યારે પંત અને રાહુલ એકજ એન્ડ પર ઊભા રહી ગયા હતા. તેમ છતાં બંનેમાંથી કોઇ આઉટ થયા ન્હોતા કારણ કે ફિલ્ડર્સ થ્રો સ્ટમ્પસ સુધી પહોંચાડી શક્ય ન્હોતા. બંને ખેલાડીઓ વચ્ચે ગ્રાઉન્ડ પર જ એકબીજા સાથે ઊગ્ર ચર્ચા પણ થઈ હતી અને છતા ફિલ્ડર્સ થ્રો ચૂકી જતા રાહુલ નોનસ્ટ્રાઈકર એન્ડ પર પહોંચી જતા બચી ગયો હતો.

આ રીતે બની ઘટના 

સાઉથ આફ્રિકન સ્પિનર કેશવ મહારાજ 15મી ઓવરમાં બોલિંગ કરવા આવ્યો હતો, જેના છેલ્લા બોલ પર ઈન્ડિયન બેટર્સ વચ્ચે કમ્યુનિકેશન ગેપ જોવા મળ્યો હતો. જેના પરિણામે બંને ખેલાડી એક જ એન્ડ પર ઊભા રહી ગયા હતા, છતા દ.આફ્રિકાએ સરળ રનઆઉટની તક ગુમાવી દીધી હતી.

ઉલ્લેખનીય છે કે રિષભ પંતે મિડલ સ્ટમ્પ લાઈનના બોલ પર ફિ્લક શોટ રમ્યો હતો. ત્યારપછી પંત તો ફિલ્ડરને જ જોતો રહ્યો પરંતુ રાહુલ તેની પાસે દોડીને પહોંચી ગયો હતો. જેના પરિણામે ફિલ્ડરે તાત્કાલિક કેશવ મહારાજ પાસે નોટસ્ટ્રાઈકર એન્ડ પર થ્રો કરી દીધો હતો. પણ ફિલ્ડર કેચ કરીને સ્ટંપ કરી શક્ય ન્હોતા. 

😂🤣 pic.twitter.com/XbiOphDTar

— Hardik (@Hardik_Sedani) January 21, 2022

આ સિવાય પણ 27મી ઓવરમાં શોર્ટ એન્ડ વાઈડ આઉટ સાઈડ ઓફ સ્ટમ્પના બોલ પર કેપ્ટન રાહુલે કટ મારવાનો પ્રયત્ન કર્યો હતો. જે બોલ સીધો માર્કરમના હાથમાં ગયો હતો પરંતુ આ વખતે પણ રાહુલના નસીબે તેને સાથ આપ્યો અને કેચ ડ્રોપ થઈ ગયો હતો. ત્યારે રાહુલ 46 રન પર બેટિંગ કરી રહ્યો હતો.

કેપ્ટન લોકેશ રાહુલ ત્યાર બાદ ફિફ્ટી ફટકારવામાં સફળ રહ્યો હતો. અને વિકેટકીપર બેટ્સમેન રિષભ પંત પણ સારો સ્કોર કરી શક્યો હતો. તેણે 71 બોલમાં 85 રન કર્યા હતા અને બે છગ્ગા પણ ફટકાર્યા હતા. પણ આ બંનેની ઇનિંગ ટીમ ઈન્ડિયાને ખાસ કામ લાગી નહોતી. આટલા વખત બચ્યા પછી પણ કેપ્ટન રાહુલ મેચ બચાવી શક્યો નહોતો.  

55 રનના સ્કોર પર પેવેલિયન ભેગો 

ડ્રિંક્સ બ્રેક પછીની પહેલી ઓવરમાં મગાલાએ કેપ્ટન રાહુલને 55 રનના સ્કોર પર પેવેલિયન ભેગો કર્યો હતો. રાહુલે શૉટ મારવાનો પ્રયાસ કરતાં વાન ડેર ડૂસેન પાસે કેચ ગયો હતો, જેને તેણે કોઈ ભૂલ કર્યા વગર સરળતાથી પકડી લીધો હતો.