મદ્રાસ IITમાં 'બીફ ફેસ્ટ'ના આયોજક વિદ્યાર્થી પર જમણેરી વિદ્યાર્થીઓનો હુમલો

ચેન્નઇ: કેન્દ્રએ પશુની ખરીદી અને વેચાણ પર અટકાવવાના ફેસલાના વિરોધમાં આઇઆઇટી મદ્રાસમાં બીફ ફેસ્ટનું આયોજન કરનારા વિદ્યાર્થીઓ પર હિન્દુવાદી સંગઠનના લોકોએ હુમલો કર્યો છે. હુમલામાં પીએડી સ્કૉલર સૂરજ આરની આંખમાં ગંભીર ઇજા પહોંચી છે. બીફ પાર્ટીથી નારાજ કેટલાક લોકોએ સૂરજને ખરાબરીતે માર્યો હતો જેથી તેને ગંભીર ઇજા પહોંચી છે.

રવિવારે આઇઆઇટી મદ્રાસમાં અંદાજીત 80 વિદ્યાર્થીઓના ટોળાએ કેમ્પસમાં બીફ ફેસ્ટનું આયોજન કર્યું હતું. વિદ્યાર્થીઓનું કહેવું હતું કે સરકાર ખાવાની આઝાદી છીનવી રહી છે. તેમણે બજારમાં પશુઓના ખરીદ-વેચાણને અટકાવવાનો નિર્ણય લેવામાં આવ્યો છે જે બીફ પર બેન કરવાની દિશામાં ઉપાડવામાં આવેલ પગલું છે તેવું જણાવવામાં આવી રહ્યું છે. જો કે સૂરજની સાથે મારપીટ કરવાના મામલે કોઇ કેસ દાખલ કરવામાં આવ્યો નથી.