બોલિવૂડ અભિનેત્રી રિચા ચઢ્ઢા અને પોતાના લોન્ગ ટાઈમ બોયફ્રેન્ડ અલી ફઝલ સાથે લગ્ન કરશે. કોરોનાના કારણે લગ્નમાં થયું હતું મોડું હવે આ વર્ષમાં બન્ને કરશે લગ્ન.
મિર્ઝાપુરનો હીરો કરશે આ વર્ષે લગ્ન
અલી ફઝલ અને રીચા ચઢ્ઢાએ કરી લગ્નની વાત
કોરોનાના કારણે લગ્નમાં થયું હતું મોડું
બોલિવૂડ અભિનેત્રી રિચા ચઢ્ઢાએ એક ઈન્ટરવ્યૂમાં કરી પોતના લગ્ન વિશેની વાત. એક્ટ્રેસે કહ્યું હતું કે અમારા મળ્યા બાદમાં મળેલા લોકોએ પણ લગ્ન કરી ચૂક્યા છે, પરંતુ એક્ટ્રેસના લગ્નમાં મોડું થઇ રહ્યું છે. સાથે જ તેણે કહ્યું કે તે આ વર્ષે એટલે કે 2022માં પોતાના લોન્ગ ટાઈમ બોયફ્રેન્ડ અલી ફઝલ સાથે લગ્ન કરશે.
કોરોના લીધે લગ્નમાં મોડું થયું
મેશેબલ ઈન્ડિયાને આપેલા ઈન્ટરવ્યુમાં રિચાએ કહ્યું કે, "જ્યારે પણ અમે લગ્ન કરવાનું વિચારીએ છીએ, ત્યારે કોવિડનો એક નવો વેરીએંટ આવી જાય છે. વર્ષ 2020માં અમે લગ્ન માટે જગ્યા પણ બુક કરાવી હતી, પરંતુ કોવિડની પહેલી લહેર આવી અને ત્યાં લૉકડાઉન થઈ ગયું. ગયા વર્ષે ફરી ફેબ્રુઆરીમાં અમે આયોજન કર્યું હતું, પરંતુ ભારતમાં બીજી લહેરનો અનુભવ ખૂબ જ ખરાબ રહ્યો. "
રિચા અને અલી આ વર્ષે લગ્ન કરશે
રિચાએ કોર્ટ મેરેજ સેશન પર પ્રતિક્રિયા આપતા કહ્યું કે, "હા, આવું કંઈક લાગે છે. જે લોકો અમારા પછી મળ્યા હતા તેઓએ પણ લગ્ન કરી લીધા. ચાલો પછી જોઈશું કે કોનું કેટલું ચાલે છે. અમે તમને ફીનિસ લાઈન એ મળશું. અમારે આ વર્ષે લગ્ન કરવાના છે અને અમે કંઈક ને કંઈક કરીને તેના માટે સમય કાઢીશું. "
અમે લગ્ન માટે આતુરતાથી રાહ જોઈ રહ્યા છીએ
અલી ફઝલે ગયા વર્ષે ડિસેમ્બરમાં આપેલા ઈન્ટરવ્યૂમાં કહ્યું હતું કે, "અમે લગ્ન કરવા માટે ખુબ ઉત્સુક છીએ. આ ઘણા સમયથી પેન્ડિંગ છે. પ્રથમ લોકડાઉનને કારણે અને આ વર્ષે બીજી લહેરને કારણે વિલંબ થયો હતો. જ્યારે લોકડાઉન હટાવવામાં આવ્યું ત્યારે અમારે બંનેએ અમારા પ્રોજેક્ટ્સનું શૂટિંગ પૂરું કરવાનું હતું, એટલે અમને સમય મળી શક્યો નહોતો. અમારા લગ્ન માર્ચ 2022માં થઈ શકે છે, પરંતુ હું અત્યારે આ વિશે કંઈ કહી શકું તેમ નથી. ".
તેઓની મુલાકાત 'ફુકરે'ના સેટ પર થઇ
રિચાએ જણાવ્યું હતું કે તે 2013માં 'ફુકરે'ના સેટ પર અલીને મળી હતી અને બંને સારા મિત્રો બની ગયા હતા. તેણે ખુલાસો કર્યો કે બંનેએ તેના ઘણા વર્ષો પછી ડેટિંગ શરૂ કરી હતી. રિચા અને અલી ઉપરાંત ફુકરેએ પુલકિત સમ્રાટ, વરુણ શર્મા, પ્રિયા આનંદ, વિશાખા સિંઘ અને પંકજ ત્રિપાઠી પણ મુખ્ય ભૂમિકામાં હતા. આ પછી 2017માં ફુકરે રિટર્ન્સમાં પણ બંને સાથે જોવા મળ્યા હતા.
રિચા અને અલીના આગામી પ્રોજેક્ટ્સ
રિચા અને અલી પણ 'ફુકરે ૩' માં સાથે જોવા મળશે. મૃગદીપ સિંહ લાંબા દિગ્દર્શિત આ ફિલ્મ આ વર્ષે 30 ડિસેમ્બરે રિલીઝ થશે. અલી ફઝલ 'મિર્ઝાપુર'ની ત્રીજી સીઝનમાં જોવા મળશે. જેમાં પંકજ ત્રિપાઠી, રસિકા દુગ્ગલ, શ્વેતા ત્રિપાઠી શર્મા, કુલભૂષણ ખરબંદા, વિજય વર્મા અને ઈશા તલવાર પણ લીડ રોલમાં જોવા મળશે.