મહેસૂલ મંત્રી રાજેન્દ્ર ત્રિવેદીને હળવા લક્ષણો હોવાથી ટેસ્ટ કરાવ્યો હતો જે પોઝિટિવ આવતા હોમ આઇસોલેટ થયા છે.
મહેસૂલ મંત્રી રાજેન્દ્ર ત્રિવેદી કોરોના સંક્રમિત
હળવા લક્ષણો હોવાથી કરાવ્યો હતો ટેસ્ટ
કોરોના રિપોર્ટ પોઝિટિવ આવતા હોમ આઇસોલેટ થયા
ગુજરાતમાં કોરોના કેસોમાં ધરખમ વધારો જોવા મળી રહ્યો છે. બાળકો, ડોકટરો, પોલીસ સ્ટાફ, આરોગ્ય વિભાગના કર્મચારીઑ કોરોના સાંપડી રહ્યો છે. ત્યારે ગુજરાત સરકાર પ્રવક્તા તેમજ મહેસૂલ અને કાયદા મંત્રી રાજેન્દ્ર ત્રિવેદી કોરોના સંક્રમિત થયા છે. હળવા લક્ષણો હોવાથી તેઓએ કોરોના ટેસ્ટ કરાવ્યો હતો જે પોઝિટિવ આવ્યો છે. કોરોના રિપોર્ટ પોઝિટિવ આવતા હોમ આઇસોલેટ થઈ સારવાર લઈ રહ્યા છે. તેમને સંપર્કમાં આવેલા લોકોને કોરોના ટેસ્ટ કરાવી લેવા અપીલ કરી છે.
ગૃહરાજ્યમંત્રી હર્ષ સંઘવી પણ થયા હતા કોરોના સંક્રમિત
આ પહેલાઆ ગુજરાત સરકારના રાજ્યના ગૃહરાજ્યમંત્રી હર્ષ સંઘવીનો કોરોના રિપોર્ટ પોઝિટિવ આવ્યા હતા. જે બાદ તે થોડા દિવસ હોમ આઈસોલેટ થયા હતા. પછી કોરોના ટેસ્ટ નેગેટિવ આવતા તે ફરી કામ પર પરત ફર્યા છે. આ સિવાય પણ ગુજરાતના ઘણા નેતાઓ અને ધારાસભ્યો કોરોના પોઝિટિવ આવી ચૂક્યા છે.
આટલા નેતાઓ કોરોના સંક્રમિત થઈ ચૂક્યા છે
અક્ષય પટેલ, ધારાસભ્ય, કરજણ
અનિલ જોશીયારા, ધારાસભ્ય, ભીલોડા
કુંવરજી બાવળીયા, ધારાસભ્ય, જસદણ
પરસોત્તમ સાબરિયા, ધારાસભ્ય, ધ્રાંગધ્રા
યોગેશ પટેલ, ધારાસભ્ય, માંજલપુર
પ્રતાપ દૂધાત, ધારાસભ્ય, સાવરકુંડલા
શૈલેષ સોટ્ટા, ધારાસભ્ય, ડભોઈ
પિયુષ પટેલ, ધારાસભ્ય, નવસારી
ઝંખના પટેલ, ધારાસભ્ય, ચોર્યાસી
જીતુ ચૌધરી, મંત્રી
ગરૂવારના કોરોના કેસોએ તમામ રેકોર્ડ તોડયા
ગુજરાતમાં કોરોના કેસોમાં ત્રીજી લહેરે સપાટો બોલાવ્યો છે. છેલ્લા 24 કલાકમાં 24,485 કેસ કોરોના પોઝિટિવ આવતા સરકાર અને તંત્ર વધુ આયોજન કરવા જોતરાઈ ગયું છે. આજે સૌથી વધુ અમદાવાદમાં 9957 કેસ સામે આવ્યા છે જ્યારે સુરતમાં 3709 કેસ તો રાજકોટમાં 1521 કેસ, વડોદરામાં 3194 કેસ સામે આવ્યા છે. ગાંધીનગરમાં 734 કેસ, ભાવનગરમાં 587 કેસ સામે બહાર અવાતા ફરી ચિંતાનું મોજું ફરી વળ્યું છે. તો 13 લોકોના મોત થયા છે 10,310 દર્દીઓ સાજા થયા છે. રાજ્યમાં કુલ એક્ટિવ કેસની સંખ્યા 1,048,888 સુધી પહોંચી ગઈ છે.કોરાનાગ્રસ્ત કુલ 156 દર્દીઓ હાલ વેન્ટિલેટર પર જ્યારે અત્યાર સુધી કોરોનાને કારણે રાજ્યમાં કુલ 10,199 મૃત્યુ થયા છે.જો ઘાતક ત્રીજી લહેરમાં છેલ્લા 3 દિવસની વાત કરીએ તો 18 જાન્યુઆરી-17,119 કેસ, 19 જાન્યુઆરી- 20,966 કેસ, 20 જાન્યુઆરીએ રેકોર્ડ બ્રેક 24,485 કેસ સામે આવતા હાહાકાર મચ્યો છે. 3 જ દિવસમાં કુલ 62,570 કોરોના કેસ નોંધાઈ ચૂક્યા છે