Russia Ukriane war / પુતિનની જીદનું ભયંકર પરિણામ ભોગવી રહ્યા છે રશિયાના ઉદ્યોગપતિઓ, અઠવાડીયામાં અબજો ડોલર થઈ ગયા સ્વાહા

• રશિયા યુક્રેન વચ્ચે યુદ્ધનો પાંચમો દિવસ
• પુતિનની જીદનું ભયંકર પરિણામ
• અબજોપત્તિ થઈ રહ્યા છે કંગાળ

રશિયાના રાષ્ટ્રપતિ વ્લાદિમીર પુતિનનો યુક્રેન વિરુદ્ધ જંગ ખેલવાનો નિર્ણય રશિયાને જ ભારે પડી રહ્યો છે. જંગની શરૂઆત સાથે જ છેલ્લા કેટલાક દિવસમાં રશિયાના સ્ટોક માર્કેટમાં મોટો ધડાકો લાગ્યો છે. અને રશિયાની મુદ્રા રૂબેલ પણ નીચે આવી ગયો છે. ત્યારે આવા સમયે કેટલાય અબજોપતિઓને નુકસાન વેઠવાનો વારો આવ્યો છે. 

પુતિને ઉદ્યોગપતિઓ સાથે બેઠક કરી

આ તમામની વચ્ચે રવિવારે પુતિને દેશના મોટા ઉદ્યોગપતિઓની સાથે બેઠક કરી હતી અને તેમણે જણાવ્યું હતું કે, અત્યારે જ થઈ રહ્યું છે, તે અત્યંત જરૂરી હતું. રિપોર્ટ્સમાં જણાવ્યા અનુસાર પુતિન દ્વારા બોલાવામાં આવેલી આ બેઠકમાં લગભગ 13 જેટલા ઉદ્યોગપતિઓ  હાજર રહ્યા હતા. પુતિને તેમને કહ્યું કે, આપણી પાસે બીજો કોઈ વિકલ્પ બચ્યો નથી. રિપોર્ટ્સમાં જણાવ્યા અનુસાર કોઈ પણ અબજોપતિ પુતિનની વાત પર કોઈ પણ પ્રકારનું રિએક્શન આપવા માટે તૈયાર નથી.

125 બિલિયન ડોલરનું થયું છે નુકસાન

એક રિપોર્ટ્સમાં જણાવ્યા અનુસાર રશિયા તરફથી યુક્રેન પર હુમલો કર્યા બાદ ત્યાંના 116થી વધારે અબજોપતિઓને 126 અબજ ડોલર (95,41,98,00,00,000 રૂપિયા)નું નુકસાન થઈ ચુક્યું છે. રિપોર્ટ્સમાં જણાવ્યા અનુસાર રશિયાનો Moex ઈંડેક્સ 33 ટકા નીચે બંધ રહ્યો અને રૂબલના ડોલરની સરખામણીએ રેકોર્ડ સ્તરે નીચે આવ્યા બાદ ગુરૂવારે પણ અનુમાનિત રીતે 71 બિલિયન ડોલર સ્વાહા થઈ ચુક્યા હતા.  

11 અબજોપતિએ રોવાનો વારો આવ્યો

રિપોર્ટ્સમાં કહેવાયું છે કે, ક્રેમલિનમાં ગુરૂવારે લગભગ પાંચ મોટા અબજોપતિ- અલેકપેરોવ, મિખેસલન, મોર્દાશોવ, પોટાનિન અને કેરીમોવને તે દિવસનું સૌથી મોટુ નુકસાન વેઠવાનો વારો આવ્યો. કુલ મળીને ગુરૂવારે લગભગ 11 રશિયાઈ અબજોપતિને 1 અબજ ડોલર અથવા તેનાથી પણ વધારે નુકસાન થયું.

બ્રિટિશ સરકારે પણ લગાવ્યો પ્રતિબંધ

ગત અઠવાડીયાની શરૂઆતમાં બ્રિટિશ સરકારે પુતિનના પૂર્વ જમાઈ અને પૂર્વ અબજોપતિ કિરિલ શામલોવ સહિત કેટલાય અબજોપતિઓ પર આકરાં પ્રતિબંધ લગાવાની જાહેરાત કરી હતી. યુક્રેન પર રશિયાના હુમલા બાદ બ્રિટેનથી રશિયાની બેંકોની સંપત્તિ ફ્રીઝ કરવાનો અને રશિયાઈ નાગરિકો પર યુકેના બેંક ખાતામાં $ 66,000 (50,000 પાઉંડ)થી વધારે રાખવા પર પ્રતિબંધ લગાવાની જાહેરાત કરી હતી.