Reliance Jio એ નવા ડિજીટલ આસિસ્ટન્ટ Saarthi લોન્ચ કર્યુ છે. વોઇઝ બેઝ્ડ આસિસ્ટન્ટ Saarthi વપરાશકર્તાઓ માટે My Jio App માં આપવામાં આવેલ છે. કંપનીએ આ ખાસ ડિજીટલ Recharge કરવા માટે ઉતારવામાં આવેલ છે. એન્ડ્રોઇડ અને iOS વપરાશકર્તા તેના દ્વારા સરળતાથી ફોનમાં રિચાર્જ કરી શકશે.
કેવી રીતે કામ કરે છે Saarthi આસિસ્ટન્ટ :
સૌ પ્રથમ તો જણાવી દઇએ કે, તમને આ ફીચર એપ ઓપન કરતા દેખાતું નથી તો તેના માટે તમારે માઇ જિયો એપના લેટેસ્ટ વર્જનને ઈન્સ્ટોલ કરવું પડશે. સારથી ડિજિટલ આસિસ્ટન્ટનો ઉપયોગ કરવા માટે યૂઝર્સને સૌથી પહેલા રિચાર્જ બટન પર ક્લિક કરવું પડશે, ત્યારબાદ આ આઇકન તમને જોવા મળશે.
Jio સારથી દ્વારા વપરાશકર્તાને રિચાર્જ સંબંધિત તમામ પ્રકારની જાણકારની સાથે દરેક નવા અને લેટેસ્ટ પેકની જાણકારી પણ પ્રાપ્ત થશે. તેની સાથોસાથ Jio સારથીની મદદથી તમે પોતાના જિયો નંબર સરળતાથી ખુદ રિચાર્જ પણ કરી શકશો. તેના દ્વારા વપરાશકર્તા ક્રેડિટ કે ડેબિટ કાર્ડના માધ્યમ થકી પોતાના રિચાર્જ માટેના તમામ પેમેન્ટ પણ સરળતાથી કરી શકશે.
આ આસિસ્ટન્ટ Jio વપરાશકર્તાને સમગ્ર રિચાર્જ પ્રક્રિયા વિશે સ્ટેપ-બાય-સ્ટેપ રીતે ગાઇડ કરશે. સાથોસાથ એ પણ જણાવશે કે આપનો કાર્ડ નંબર ક્યાંથી મળશે અને તેને ક્યાં એન્ટર કરવાનો છે. રિલાયન્સ જિયો કંપનીએ હાલ આ ફીચરને માત્ર અંગ્રેજી અને હિન્દી ભાષામાં જ લોન્ચ કરી છે પરંતુ ટૂંક સમયમાં જ કંપની આ સર્વિસને ભારતની 12 ક્ષેત્રિય ભાષાઓમાં પણ લોન્ચ કરવાની તૈયારીમાં છે.
Jio એપ દ્વારા જાણો કઇ એપ છે ફોન માટે ખતરનાક :
My Jio App મારફતે આપણે સરળતાથી જાણી શકીએ છીએ કે કઇ એપ ફોન માટે રિસ્ક છે અને કઇ સેફ. તેના માટે સૌથી પહેલા તમારે My Jio App જવું પડશે. જેમાં નીચે સ્ક્રોલ કરવા પર Jio Security નો ઓપ્શન મળશે. તેમાં 'App Advisor' પર જવાનું છે.
હવે આપને જે એપની સામે 'Privacy Risk' દેખાશે. તેનો અર્થ આ એપ આપના ફોન માટે ખતરનાક સાબિત થઇ શકે છે. આ ઉપરાંત કેટલીક એપ્સની સામે 'Safe' લખેલું પણ જોવા મળશે, તેનો અર્થ એવો થાય છે કે એપ્સ ફોન સિક્યોરિટી માટે આ એપ્લીકેશન એકદમ સેફ છે.