કોવિડ-19 બાદ દેશમાં વર્ક ફ્રોમ હોમ, ઓનલાઈન ક્લાસિસનો ઉપયોગ ખૂબ જ વધી ગયો છે. આ સિવાય મૂવી સ્ટ્રીમિંગ અને ઓનલાઈન ગેમિંગને કારણે પણ વધુ ડેટાવાળા પ્લાન લોકો પસંદ કરી રહ્યાં છે. જેથી દેશમાં ટેલિકોમ કંપનીઓ સસ્તામાં વધુને વધુ ડેટા આપી રહી છે. દેશની ત્રણ મોટી ટેલિકોમ કંપનીઓ પોતાના યુઝર્સને આકર્ષવા માટે નવા નવા પ્લાન ઓફર કરતી રહે છે. જો તમે પણ વારંવાર રિચાર્જ કરાવાથી પરેશાન થઈ ગયા છો તો જિયો, એરટેલ અને વોડાફોનના 1 વર્ષના પ્લાનમાં રિચાર્જ કરાવી શકો છો. આમાં ફ્રી કોલિંગની સાથે એસએમએસ સહિતની કેટલીક સુવિધાઓ પણ મળશે. ચાલો જાણી લો.
આ પ્લાનમાં રિચાર્જ કરાવવા પર મળશે જોરદાર સુવિધાઓ
આ પ્લાનમાં ફ્રી ઓફર્સ અને વધુ ડેટા મળશે
જિયો, એરટેલ અને વોડાફોનના 1 વર્ષના પ્લાનમાં કરાવો રિચાર્જ
Airtelનો 1498 રૂપિયાનો પ્લાન
એરટેલેના આ પ્લાનમાં તમામ નેટવર્ક પર એનલિમિટેડ કોલિંગની સાથે એક વર્ષ માટે 24 જીબી ડેટા મળે છે. ઉપરાંત યુઝર્સને 3600 ફ્રી એસએમએસ પણ મળે છે. તેમાં એરટેલ એક્સ્ટ્રીમ એપ પ્રીમિયમ, વિંક મ્યૂઝિકનું ફ્રી સબ્સક્રિપ્શન મળવાની સાથે ફાસ્ટેગ ખરીદવા પર 100 રૂપિયાનું કેશબેક આપવામાં આવી રહ્યું છે. તો જો એરટેલના ગ્રાહકો લોન્ગ વેલિડિટીના પ્લાન મેળવવા ઈચ્છતા હોવ તો આ પ્લાન બેસ્ટ છે.
Jioનો 1299 રૂપિયાનો પ્લાન
રિલાયન્સ જિયોના આ પ્લાનમાં કંપની યુઝર્સને કુલ 24 જીબી ડેટા આપે છે. આ પ્લાન અંતર્ગત જિયો નેટવર્ક્સ પર અનલિમિટેડ કોલિંગની સુવિધા મળે છે. જ્યારે અન્ય નેટવર્ક્સ પર કોલ કરવા માટે યુઝર્સને 12 હજાર નોન એફયૂપી મિનિટ મળે છે. 3600 ફ્રી એસએમએસ ઓફર કરનાર આ પ્લાનમાં જિઓ એપ્સનું ફ્રી સબ્સક્રિપ્શન પણ મળે છે. આ પ્લાનની વેલિડિટી 336 દિવસની છે.
Viનો 1499 રૂપિયાનો પ્લાન
વોડાફોન-આઈડિયાનો આ પ્લાન એરટેલના 1498 રૂપિયાના પ્લાન જેવો જ છે. આ પ્લાન અંતર્ગત 24 જીબી ડેટા આપવામાં આવી રહ્યો છે. તેમાં 3600 ફ્રી એસેમએસ ઉપરાંત દેશભરમાં કોઈપણ નેટવર્ક્સ પર ફ્રી કોલિંગની સુવિધા મળે છે. આ પ્લાન પણ એક વર્ષની વેલિડિટી સાથે આવે છે.