રિલાયન્સ ઈન્ડસ્ટ્રીઝની 43મી એન્યુઅલ મીટિંગમાં જિયોએ આજે Jio TV+ની જાહેરાત કરી છે. જિયો ટીવી પ્લસ (Jio TV +) પર 12 પોપ્યુલર OTT પ્લેટફોર્મનું કન્ટેન્ટ ઉપલબ્ધ કરવામાં આવશે. જેમાં નેટફ્લિક્સ, એમેઝોન પ્રાઈમ, ડિઝની+, હોટસ્ટાર, વૂટ, સોની લાઈવ, Zee5, જિયો સિનેમા, જિયો સાવન, યુટ્યૂબ જેવા અનેક પ્લેટફોર્મ્સ સામેલ છે. જિયો ટીવી પ્લસમાં આ દરેક સેવાની મજા યૂઝર્સને એક જ સ્થળે મળ જશે. જિયોની આ સર્વિસથી યૂઝર્સ માટે ઓટીટી પ્લેટફોર્મ એક્સેસ કરવાનો અંદાજ જ બદલાઈ જશે.
રિલાયન્સની મોટી જાહેરાત
હવે યુઝર્સ માટે Jio TV + આવશે
આમાં યુઝર્સને 12 પોપ્યુલર OTT પ્લેટફોર્મનું કન્ટેન્ટ ઉપલબ્ધ કરવામાં આવશે
રિલાયન્સની જિયો ટીવી +ની સૌથી મોટી ખાસિયત એ છે કે લગભગ દરેક મોટા OTT પ્લેટફોર્મ્સની મજા એક જ પ્લેટફોર્મ પર મળી શકશે. જેથી તમારે અલગ અલગ OTT પ્લેટફોર્મ્સ માટે આઈડી, પાસવર્ડ જેવા લોગિનની ડિટેલ્સ યાદ રાખવાની જરુર નહીં પડે. તમારે માત્ર Jio TV+ પર જ લોગિન કરવાનું રહેશે.
યુઝર ફ્રેન્ડલી ઈન્ટફેસ મળશે
જિયો ટીવીમાં યુઝર ફ્રેન્ડલી ઈન્ટરફેસ મળશે. જેથી યુઝર પોતાની ફેવરિટ મૂવી, ટીવી શો અથવા અન્ય કન્ટેન્ટ સરળતાથી શોધી શકશે. આના માટે જિયો ટીવી+માં વોઈસ આસિસ્ટન્ટ સપોર્ટ પણ મળશે. આમાં આપવામાં આવેલા જિયો રિમોટ દ્વારા તમે સરળતાથી ફેવરિટ કન્ટેન્ટ સર્ચ કરી શકશો. જિયો ટીવીમાં દરેક જોનરના કાર્યક્રમ મળશે અને તેને વોઈસ કમાન્ડ આપીને પણ સર્ચ કરી શકાશે. જિયો ટીવી પ્લસમાં સેટ ટોપ બોક્સમાં રહેલાં એપ સ્ટોર દ્વારા યુઝરને એન્ટરટેઈન્મેન્ટ, એજ્યુકેશન, હેલ્થ, કુકિંગ, યોગ, ગેમિંગ, રિલિજિયન અને અન્ય સેગમેન્ટ્સના કન્ટેન્ટ મળશે.
જિયો ગ્લાસ પણ લોન્ચ કરાયો
રિલાયન્સે આ મિટિંગમાં મિક્સ્ડ રિયાલિટી સ્માર્ટ ગ્લાસ લોન્ચ કરવામાં આવ્યો. જેને જિયો ગ્લાસ નામ આપવામાં આવ્યું છે. જિયો ગ્લાસ વર્ચ્યુઅલ આસિસ્ટન્ટથી પણ સજ્જ છે. આ ગ્લાસ એક કેબલ સાથે આવે છે. કેબલની મદદથી તમે પોતાના સ્માર્ટફોન સાથે કનેક્ટ કરી શકો છો. જેનું વજન 75 ગ્રામ છે. કંપનીનું કહેવું છે કે જિયોનો આ સ્માર્ટ ગ્લાસ બેસ્ટ ઈન ક્લાસ મિક્સ્ડ રિયાલિટી એક્સપિરિયન્સ આપશે.