બિઝનેસ / દેવામાં ડૂબેલી થર્મલ પાવર કંપનીને ખરીદવા અંબાણી-અદાણીએ લગાવી કરોડોની બોલી

• લેન્કો અમરકંટક પાવર લિમિટેડ સંકટમાં
• માર્કેટમાં વેચાણ માટે લાગી કંપનીની બોલી
• રીલાયન્સ અને અદાણી આવ્યા મેદાનમાં

દેશના થર્મલ પાવર પ્રોડક્ટ બનાવનારી લેન્કો અમરકંટક પાવર લિમિટેડ આજે સંકટમાં છે, અને બજારમાં વેચવા માટે તૈયાર છે. તેના અધિગ્રહણ માટે દેશના બે જાણીતા ઉદ્યોગપતિ ગૌતમ અદાણી અને મુકેશ અંબાણી મેદાનમાં ઉતર્યા છે. આવામાં મુકેશની રિલાયન્સ ઇન્ડસ્ટ્રીઝ અને ગૌતમ અદાણીની કંપની અદાણી પાવર આ કંપનીને હસ્તગત કરવા માટે બોલી લગાવી રહી છે.

આ કંપનીએ લગાવી બોલી
રિલાયન્સે આ કંપની માટે 1,960 કરોડ રૂપિયાની બોલી લગાવી છે. જે રિલાયન્સ ઇન્ડસ્ટ્રીઝે અત્યાર સુધીમાં સૌથી વધુ ઓફર કરી છે. આ સાથે જ ગૌતમ અદાણીની અદાણી પાવરે 1800 કરોડની બોલી રજૂ કરી છે. આ સિવાય પાવર ફાઇનાન્સ-આરઇસી કન્સોર્ટિયમે 3,400 કરોડ રૂપિયાની ઓફર કરી છે.

ખરીદીની રેસમાં ત્રણ કંપનીઓ 
લેન્કો અમરકંટક પાવર લિમિટેડને હસ્તગત કરવા માટે બંધનકર્તા બિડ્સ રજૂ કરી છે. આ ઉપરાંત પાવર ફાઇનાન્સ કોર્પોરેશને પણ આરઇસી લિમિટેડ સાથે ભાગીદારીમાં બોલી લગાવી છે. આ રીતે લેન્કો અમરકંટક પાવરને હસ્તગત કરવાની દોડમાં 3 કંપનીઓનો સમાવેશ કરવામાં આવ્યો છે.

સામ સામે ટક્કર
ટેલિકોમ, બાયોગેસ બાદ અન્ય સેક્ટરમાં ગૌતમ અદાણી અને મુકેશ અંબાણી વચ્ચે સીધી સ્પર્ધા છે. અંબાણીની રિલાયન્સ ઇન્ડસ્ટ્રીઝ અને અદાણીની કંપની અદાણી ન્યૂ ઇન્ડસ્ટ્રીઝ પણ બે કોમ્પ્રેસ્ડ બાયોગેસ સેક્ટરમાં સામસામે આવી ગઇ છે.

આ રાજ્યોને મળે છે વીજળી
લેન્કો છત્તીસગઢના કોરબા-ચંપા રાજ્ય ધોરીમાર્ગ પર કોલસા આધારિત થર્મલ પાવર પ્રોજેક્ટ ચલાવે છે. તમને જણાવી દઈએ કે લેંકોના પટાધિ પ્લાન્ટથી હરિયાણા અને મધ્ય પ્રદેશને 300 મેગાવોટ વીજળી પહોંચાડવામાં આવી રહી છે. ત્રણ રાજ્યોની ભાગીદારીથી ચાલતી પીએફસી, આરઇસી અને એનટીપીસીએ પણ લેન્કો પાસેથી પૈસા ઉધાર લીધા હતા. પાવર ફાઇનાન્સ કોર્પોરેશન લોનમાં લગભગ 42 ટકા હિસ્સો ધરાવે છે. આ કંપનીએ બિડિંગમાં રસ દાખવ્યો છે. જો તે બિડિંગ દરમિયાન એલ વનમાં આવશે તો તેની લોન પણ વસૂલ થઇ જશે.