કોરોના વાયરસના પ્રકોપથી અર્થવ્યવસ્થાને બચાવવાને માટે રિઝર્વ બેંક સમય પહેલાં જ રેપો રેટ ઘટાડવાનું પ્લાનિંગ કરી રહી છે. ઉલ્લેખનીય છે કે 3 એપ્રિલ 2020માં યોજાનારી RBIની બેઠકમાં આ પ્રસ્તાવ રજૂ કરવામાં આવશે. બેંક ઓફ અમેરિકા મેરિલ લિંચે કહ્યું કે શક્ય છે કે રેપો રેટમાં 25 બેઝિક પોઈન્ટનો ઘટાડો કરે. આ સમયે બેંક આરબીઆઈ રેપો રેટમાં 75 બેઝિક પોઈન્ટનો ઘટાડો કરી શકે છે.
કોરોનાની વચ્ચે અર્થવ્યવસ્થાને લઈને મોટી જાહેરાત
RBI જલ્દી કરી શકે છે મોટી જાહેરાત
રેપો રેટમાં આવી શકે છે મોટો ઘટાડો
યૂરોપમાં નેગેટિવ ગ્રોથની સંભાવના
કોરોનાના કારણે વૈશ્વિક અર્થવ્યવસ્થાની હાલત મંદ થઈ છે. હાલમાં જ અમેરિકી ફેડરલ રિઝર્વે 50 બેઝિક પોઈન્ટનો આશ્ચર્યજનક રેટ કટ કર્યો છે. આ પછી ઈંગ્લેન્ડના સેન્ટ્રલ બેંકને રેટ કટની જાહેરાત કરી છે. યૂરોપીય સંઘની કાર્યકારી કમિટીએ યૂરોપીય આયોગે શુક્રવારે ચેતવણી આપી કે કોરોનાની મહામારીના કારણે અર્થવ્યવસ્થા પર પડેલી અસરને લઈને યૂરોપની આર્થિક સ્થિતિ પર નકારાત્મક અસર થઈ શકે છે.
અન્ય રેટ કટ જૂનમાં આવવાની સંભાવના
મળતી માહિતી અનુસાર રિઝર્વ બેંક અન્ય વખત રેટ કટનું એલાન જૂન મહિનામાં કરશે. જૂનમાં એમપીસીની ત્રીજી બેઠક થશે. ચોથી બેઠક ઓગસ્ટમાં થશે જેમાં રેટ કટ ઓછો ઘટવાની શક્યતા છે. પાંચમી બેઠક ઓક્ટોબરમાં એમાં પણ રેટ કટ થઈ શકે છે. એમપીસીની પહેલી બેઠક ફેબ્રુઆરીમાં થઈ હતી. તેમાં રિઝર્વ બેંકે રેપો રેટમાં કોઈ ફેરફાર કર્યો ન હતો.
આવનારા નાણાંકીય વર્ષના વિકાસ દરમાં આવશે ઉછાળો
નાણાંકીય વર્ષ 2021માં ભારતના વિકાસદરમાં ઉછાળો જોવા મળશે. આવનારા નાણાંકીય વર્ષમાં વિકાસ દર 5.4 ટકાનો રહેશે જ્યારે નાણાંકીય વર્ષ 2019-20માં તેનું અનુમાન 4.8 ટકાનું રાખવામાં આવ્યું હતું.