ટીમ ઈન્ડિયાના ઓલરાઉન્ડર ખિલાડી રવિન્દ્ર જાડેજાએ હાલમાં જ શ્રીલંકા વિરદ્ધ ટેસ્ટ મેચમાં શાનદાર પ્રદર્શન કર્યું હતું. હવે આઈસીસીની તરફથી તેમને એખ ખાસ ભેટ મળી છે.
આઈસીસીએ ટેસ્ટ રેન્કિંગ કરી જાહેર
જાડેજા ટોપ પર
શ્રીલંકા સામે પહેલી ટેસ્ટમાં કર્યું હતું શાનદાર પ્રદર્શન
આઈસીસીએ ટેસ્ટ રેન્કિંગ જાહેર કરી છે. તેમાં ટીમ ઈન્ડિયાના ઓલરાઉન્ડર રવિન્દ્ર જાડેજા ટોપ પર પહોંચી ગયા છે. જાડેજાએ હાલમાં જ શ્રીલંકા વિરૂદ્ધ ટેસ્ટ સીરીઝની પહેલી મેચમાં શાનદાર પ્રદર્શન કર્યું હતું. તેમણે એક ઈનિંગમાં 175 રન બનાવ્યા હતા સાથે સાથે 5 વિકેટ પણ લીધી હતી. રવિન્દ્ર અશ્વિનની ઓલરાઉન્ડર્સ રેંકિંગમાં બે સ્થાનનો ફાયદો થયો છે.
ભારતીય ટીમના ઓલરાઉન્ડર ખેલાડી જાડેજા ફોર્મમાં ચાલી રહ્યા છે. તેમણે શ્રીલંકા વિરૂદ્ધ ટેસ્ટ મેચમાં દમદાર પ્રદર્શન કર્યું. જાડેજાના બ્રેક બાદ ટીમ ઈન્ડિયામાં વાપસી થઈ હતી અને તેમણે વાપસીની સાથે જ પોતાનો દમ બતાવ્યો હતો.
Jadeja reaches the summit 👑
Kohli, Pant move up ⬆️
Some big movements in the latest update to the @MRFWorldwide ICC Men's Test Player rankings 📈
તેમને રેન્કિંગમાં જબરદસ્ત ફાયદો મળ્યો છે. જાડેજા ટેસ્ટ ઓલરાઉન્ડર્સના રેન્કિંગમાં ટોપ પર પહોંચી ગયા હતા. તેમને બે સ્થાનનો ફાયદો થયો છે. આ લિસ્ટમાં બીજા સ્થાન પર વેસ્ટઈન્ડિઝના જેસન હોલ્ડર છે. હોલ્ડર પહેલા નંબર પર હતા. જ્યારે તેમને એક સ્થાનનું નુકસાન થયું.
રવિચંદ્રન અશ્વિનને ઓલરાઉન્ડર્સની રેંકિંગમાં નુકસાન થયું છે. તે એક સ્થાન નીચે સરકી ત્રીજા સ્થાન પર આવી ગયા છે. જોકે બોલરની રેંકિંગમાં તે બીજા સ્થાન પર છે. આ લિસ્ટમાં પેટ કમિંસ ટોપ પર છે. ત્યાં જ ભારતીય ફાસ્ટ બોલર જસપ્રીત બુમરાહ 10માં સ્થાન પર છે.
ટેસ્ટ ફોર્મેટમાં બેટરની રેન્કિંગની વાત કરવામાં આવે તો પૂર્વ કેપ્ટન કોહલીને બે સ્થાનનો ફાયદો થયો છે. કોહલી 5માં સ્થાન પર પહોંચી ગયો છે. તેની પાસે 763 રેટિંગ પોઈન્ટ છે. જ્યારે રોહિત શર્મા એક સ્થાન નીચે આવીને છઠ્ઠા સ્થાને આવી ગયા છે. રોહિતની પાસે 761 રેટિંગ પોઈન્ટ્સ છે. આ લિસ્ટમાં ટોપ પર માર્નસ લોબુશેન છે.